忠記咖啡屋‧私房菜 (已結業)

招牌以红白色为主嘅忠记私房菜，装修以简约为主，除咗大枱座位之外，另外仲有房间可以供客人选择。除咗铁观音之外，仲有各式各样嘅汽水、橙汁同埋啤酒供应，任君选择。首先来一个前菜-夏日丰盛五小碟开胃。金杯美酒配北海道海胆糖芯带子卖相非常壮观，配以六杯金杯美酒🍷。苹果酒味道鲜甜，饮完之后就食大大只嘅带子，带子好爽口，面头嘅海胆非常鲜甜新鲜，食埋底下嘅紫薯蓉，非常满足。另外炖汤舞茸黑豆炖龙骨非常滋补。由于我唔系好食蚝，不过朋友都大赞酥炸美国桶蚝炸得好香脆，食落去好滋味。私房香橙江南小排骨好香嘅香橙味道，排骨肉质鲜嫩，而且非常入味。食咗咁多肉类，食返碟蔬菜野菌上汤浸芥胆，入面有好多配料，例如虾米、肉碎同埋蒜蓉粒等，而且芥胆好大条，味道好鲜甜。石榴荷叶饭非常的骰，用荷叶包住啲饭，饭粒充满着荷叶味道，仲有少少肉粒碎，好有咬口。除此之外，仲有好特色嘅古法家乡盐甑鸡、甜品意大利雪糕同埋蛋白杏仁茶，食完之后真系好饱，非常满足。