聰嫂私房甜品

营业中

休息中

聪嫂私房甜品开左旺角闹市区，今日同朋友行街就食个甜品，顺便休息下。呢间舖头人头涌涌都要排一阵先有得入去食。食物冇令我哋失望，好好食！我就拣咗个椰皇炖桃胶双皮奶，朋友就拣左传统芝麻糊。朋友个芝麻糊较快送上，食落非常浓香芝麻味，滑溜，质地较为稠身，唔会水旺旺，食完暖笠笠，正！坐对面嘅我都闻到好香芝麻味。佢下午茶时间仲系优惠价钱，抵食！于我个椰皇炖桃胶双皮奶就不得了啦，即点即制作，原个椰皇加上雪白双皮奶，非常吸引。双皮奶炖得非常嫩滑，岩晒火候，仲要夹杂浓香嘅椰子味，好滋味。桃胶又有QQ咬口，呢个甜品真系非常好味！冬天食觉得特别滋润。见佢对面都准备紧开分店真系有原因！