南대門

营业中

休息中

放工要赶去尖吵咀上堂，呢间南大门韩国料理系有位同学以前食过，觉得唔错，所以就带我地黎食。喺尖沙咀港铁站行过黎１０分钟左右，都几方便。我地７点前到餐厅，无乜人所以唔洗等位，正！入到去环境几舒服，细细间店铺，座位唔会坐得太迫。望完Menu 我地就好快落单，员工态度唔错，有礼貌。落左单之后即刻上左前菜比我地食住等。有芽菜，南瓜肉，翠玉瓜，泡菜。我几镜意佢既芽菜同泡菜，食落好开胃，泡菜又唔会太辣。话咁快就上菜，我点左一份韩国杂锦拌饭，加埋少少韩国辣酱捞黎食好正，份量足，一个成年男性食完都好饱肚!食左一阵，个芝士年糕终于黎啦! 最惊喜系上面块芝士，好香口，又烟韧，盖过左啲本身无乜味既年糕，啲配菜都好食过啲年糕，同枱既朋友都一致认为块芝士系呢个菜最值钱既部份!另个一个朋友就点左韩国泡菜炒饭，不过上菜有啲慢，我地前面啲野差唔多食哂先黎。我地每人试左一啖，觉得都几辣下，好在餐厅有茶水供应，即刻饮番啖茶解解解辣。