築地日本料理 (金百利廣場)

营业中

休息中

近日日本筑地巿场搬迁，已经无机会去。我个识食fd话铜记都有筑地啦，声称野食平民又可以叹住黎食㖞。原来佢讲紧呢间铜记楼上小店。二人餐有两个餐可以拣，好丰富同几抵咁。不过我地吾太肚饿，所以散叫。野饮有几多选择。我要左杯白桃乳酸特饮。味道似白桃汁沟益力多，仲有d果肉，消暑开胃一流。本身谂住叫普通玉子寿司，但见呢件火炙芝士玉子咁特别都系10蚊，只系贵普通玉子两蚊，于是拣左旧黎试。玉子火炙过真系惹味好多，加有面头半熔既芝士，真系同普通玉子无得比，必叫炸芝士年糕，一d都吾油。外皮炸到金黄微脆，中层年糕软棉，最入既芝士呈流心，层次感分明。炸物什锦有3款野食: 甘栗紫薯饼、蒜香炸薯条和炸鸡软骨，份量够3至4人分，都系58蚊，几抵食。三样炸物中，我最欣赏薯条，因为加左芝士粉，仲要系布满成条薯条，感觉同一般薯条好吾同，吾点茄汁仲好味。食左咁多炸物，最多整番个茶碗蒸下下火。个蒸蛋超滑，每啖都有蛋味，冬菇软绵，吾错。