老川皇

营业中

休息中

有时坐小巴，都会路经呢条街。呢间川菜小店特别 sharp 。皆因舖头虽小，但门外经常都有不少人排队，有街坊，有游客，证明薯不简单。今日又路过此地，时间尚早，唔多人㖞，一于入去一探究竟。入面果然人山人海，好在仲有最后一张枱，立马坐低咪迟疑。餐牌选择超多，猪、牛、鸡、鸭、鱼、田鸡、内脏、蔬菜乜都有。有选择困难症的我们，当然叫枝蓝妺，边叹边谂啦。蓝妺大啤 $29 蒜泥白肉 $58头盘叫左蒜泥白肉，上枱时以狐疑左一阵，大家你眼望我眼。Lasagna in Chuan style???你以为系肉酱千层面？非也！其实系蒜泥白肉呀！超多蒜泥又够辣，重口味，大爱呀！仲有好多青瓜丝垫底，夹住肥肉，入口即溶又丝丝爽甜，好正！干锅菜花 $80蔬菜类我地点左干锅菜花。有个小锅㷫住，一滚起就火红火绿咁，香味四溢仲有吱吱声，著实色香味声俱全。酸菜鱼 $132酸菜鱼够大盘，鱼片数量很多，尚算滑漏有鱼味。可惜有不少碎骨，食起上来要小心点，食野唔好讲野。酸菜很酸，汤底很香。叫左小辣唔算辣，喜欢辣的朋友可以叫辣D。或者转攻水煮鱼，应该都几吸引。叫两碗白饭，完美的一餐。