魂 (已搬遷) 新店位置

今日收工去左铜铁湾行街街，行到去Times附近开始觉得饿饿地，本身想过登龙街食拉面，但系朋友介绍话系鹅颈桥底有间隐世的拉面店。见朋友咁推介，决定行过隔离街食！呢间拉面店细细间，除左一张四人台外，就系7丶8个拉面位。咁我地当然坐拉面台位，可以望下师父点煮呀麻我就选左最传统的「魂」，即系原味的浓豚骨汤。大约5丶6分钟就有得食啦。先讲个汤底先，豚骨汤好浓，有D稠身的感觉，但系饮落口觉得好舒服，唔会觉得太黏口。猪骨味好香，而且唔会好油腻，我个朋友重要所有汤都饮哂添。而个面系选取曲身面，弯弯的面可以吸到大量的汤汁，可以尽情咁饮到好味的汤底。面身煮得几爽身，唔会太腍，而且份量都几多，好抵！至于配料，主要系木耳丶叉烧同糖心蛋，叉烧肉味好浓，而且大大片，油香得黎唔算太肥腻。糖心蛋有流心的效果，蛋黄配上面同汤底去食，又系另一种享受。