影片
更多
2021-05-26
3493 浏览
记得早年，都讲紧喺4年前嘅事，晌中环试过一家法式清新小店，又喺主打法式薄饼，有咸亦有甜，印象都几唔错，亦喺第一次试咸嘅法式薄饼。今日嚟到「Cafe Crepe」，又可以重温一下咸味法式薄饼嘅滋味。其实，晌门面已经见到佢哋整法式薄饼个厨房，师傅就不停手密密制作，所以，一入门口，就闻到阵阵嘅香气。餐厅分两层，地下因为间开一半做厨房，所以，用餐区唔算大，目测大概10个位左右，但环境装修几唔错，走简约路线，有种细细哋法式咖啡室嘅感觉。拾级而上，上到二楼，因为嚟得早，所以，二楼就未有客人。地方就大好多，座位亦多好多，墙上挂有少少画作作点缀，近尾一排吧位枱櫈，最合适叹叹咖啡，睇吓街景。本来都影咗个餐牌俾大家参考，但大大张啲字又细，而临走见有啲纸本嘅细细张被人拎，就索性扫描出嚟俾大家参考。法式薄饼当然喺主打，仲有早餐、汤品、沙律、法式三文治、汉堡、意大利面，以及各式饮品，选择也颇多元化。鲜奶咖啡 $32先嚟一杯心水嘅鲜奶咖啡，餐牌已写到明喺意大利进口Lavazza咖啡豆，当然，质素唔差得去边，加上咖啡师嘅好手势，天鹅拉花非常靓，线纹好细致，咖啡面平滑无起泡粒。完全无搅过，入口口感却非常均匀，咖啡嘅醇
其实，晌门面已经见到佢哋整法式薄饼个厨房，师傅就不停手密密制作，所以，一入门口，就闻到阵阵嘅香气。
餐厅分两层，地下因为间开一半做厨房，所以，用餐区唔算大，目测大概10个位左右，但环境装修几唔错，走简约路线，有种细细哋法式咖啡室嘅感觉。
拾级而上，上到二楼，因为嚟得早，所以，二楼就未有客人。地方就大好多，座位亦多好多，墙上挂有少少画作作点缀，近尾一排吧位枱櫈，最合适叹叹咖啡，睇吓街景。
本来都影咗个餐牌俾大家参考，但大大张啲字又细，而临走见有啲纸本嘅细细张被人拎，就索性扫描出嚟俾大家参考。法式薄饼当然喺主打，仲有早餐、汤品、沙律、法式三文治、汉堡、意大利面，以及各式饮品，选择也颇多元化。
鲜奶咖啡 $32先嚟一杯心水嘅鲜奶咖啡，餐牌已写到明喺意大利进口Lavazza咖啡豆，当然，质素唔差得去边，加上咖啡师嘅好手势，天鹅拉花非常靓，线纹好细致，咖啡面平滑无起泡粒。完全无搅过，入口口感却非常均匀，咖啡嘅醇香度高，每一口嘅余韵仍盘旋于口腔，绝不失礼于一啲大咖啡店。
鲜奶咖啡
$32
66 浏览
0 赞好
0 留言
唔好以为净喺得面头两大粒带子，其实，法式薄饼内就包住好多带子及蘑菇，并以白汁及松露油处理过。先分享吓薄饼面嘅带子，大大粒，好爽口，香煎过加埋黑松露酱，份外滋味；而法式薄饼内馅嘅鲜野菌，唔喺罐头货，有菌香，配以爽口嘅带子粒粒，以及带浓香嘅白酒忌廉汁，同埋啲芝士碎，食味真喺好唔错，而薄饼皮又软熟、又有蛋香。咪睇块薄饼扁扁哋咁，份量可不少，几饱肚吓。
黑松露香煎带子法式薄饼
$139
33 浏览
0 赞好
0 留言
虽然只喺偷得浮生半日闲嘅一餐，但叹到一杯咁有水准嘅鲜奶咖啡及食到同样高质嘅法式薄饼，无机会到法国，都感受法式嘅美味之旅。
张贴
