影片
更多
2023-02-21
2156 浏览
金钟港丽酒店嘅「乐聚廊 」，我一向以为只供应三层架嘅英式下午茶，原来都有不一样嘅选择，最近喺附近返工嘅朋友就话我知，佢哋出咗一系列印度风情午餐，逢星期一会以印度特色便当登场，据侍应介绍，会以三层精致银锅载有前菜、主菜、印度香饭及杂锦生果同甜点。如果唔介意花多少少钱，可以选择逢星期二至五嘅「印度风情自助午餐」，主题同样喺以印度菜为主。今日，就同朋友来一趟正宗咖喱美食之旅。 「乐聚廊」都喺第一次嚟，既为酒店嘅大堂咖啡室，气氛自然渗出点点悠闲。装修简约得嚟，有一份幽雅感，加上一边都喺落地大玻璃，虽然出面只喺园林景，正正今日又咁好阳光，就自然予人感觉更写意舒畅。再者，始终喺五星酒店，服务又一定比较熨贴，更要好好享受呢段午餐时光。 再扫视一下环境，人客唔算多，目测所见都喺商务客，比较斯文，讲嘢都唔会话太嘈吵。其实个场都几大，望去另一边见有座大提琴，问问侍应原来晚上会提供即场音乐演奏，所以，相信夜晚嚟到就算饮杯嘢感觉都好唔同。 虽然喺自助午餐，但唔好同一般平常喺酒店食西餐厅嘅自助午餐规模比，呢度始终喺酒店嘅大堂酒廊，选择上会比较集中啲、轻盈少少。主要分三个区域，第一个就喺沙律、前菜区，仲有即做印
「乐聚廊」都喺第一次嚟，既为酒店嘅大堂咖啡室，气氛自然渗出点点悠闲。装修简约得嚟，有一份幽雅感，加上一边都喺落地大玻璃，虽然出面只喺园林景，正正今日又咁好阳光，就自然予人感觉更写意舒畅。再者，始终喺五星酒店，服务又一定比较熨贴，更要好好享受呢段午餐时光。
再扫视一下环境，人客唔算多，目测所见都喺商务客，比较斯文，讲嘢都唔会话太嘈吵。其实个场都几大，望去另一边见有座大提琴，问问侍应原来晚上会提供即场音乐演奏，所以，相信夜晚嚟到就算饮杯嘢感觉都好唔同。
虽然喺自助午餐，但唔好同一般平常喺酒店食西餐厅嘅自助午餐规模比，呢度始终喺酒店嘅大堂酒廊，选择上会比较集中啲、轻盈少少。主要分三个区域，第一个就喺沙律、前菜区，仲有即做印度煎薄饼（Dosa）；
中间入门口位，就喺热盘区，十多款印度特色招牌菜、热汤、烤薄饼……等等，制作睇得出比较重质素，相信以贵精不贵多为卖点；
最后，走到另一边，就喺甜品加生果区，当中有两款印式甜品，众所周知，印式甜品都甜得几紧要，故此，顾及客人需要，都有啲西式选择。
自助午餐供应时间喺12:00pm-2:30pm，每位收$368，自助餐仲会包一杯餐饮。但与此同时，餐厅都会提供其他饮品选项，例如，为着今次嘅印度午餐，就见到有晌印度餐厅惯常见到嘅印度特色生果乳酪（Lassi），此外，汽水、果汁、餐酒以及特饮就唔在讲啦。
印度煎薄饼有啲餐厅会称之为薯仔班戟饼，你就知里面夹有啲咖喱薯蓉，仲有啲豌豆、番茄之类，因为新鲜即煎，所以，份外香脆，里面喺软绵绵，可以伴以青瓜乳酪酱或印度椰子酱嚟食，令味道变得丰富啲。
印度蔬菜汤平常食套餐都紧有碗餐汤：罗宋汤、忌廉汤、杂菜汤都咪常见款式，今次喺有一款印度罗望子扁豆蔬菜汤，其实有啲似平常饮开嘅杂菜汤，微微酸，但多咗阵阵嘅香料味，里面有好多蔬菜，都几衬啲印度煎薄饼。
沙律落嚟梗喺食番少少沙律啦，款式唔算多，所以可以一次过试匀晒，睇名字有印度马铃薯沙律、印度芝士沙律、杂菜沙律、菠萝黑胡椒沙律及青瓜洋葱蕃茄沙律。其实啲沙律款式都几特别，唔会喺平常成日食开𠮶啲，最紧要都喺食材够新鲜，开开胃，等阵间可以再食多啲。
主菜一第一碟所试嘅食物，就包括印式烤羊架、印式烤鸡、玛莎拉鸡伴以印度脆片（胡椒饼）、素印度咖喱角、印度炸菜、印式扁豆，后几类喺平常食印度嘢嘅小食，今次就当佢哋喺配菜。始终喺正宗印度大厨嘅出品，有番咁上下质素，无论烤羊架、天多尼烤鸡，抑或玛莎拉鸡，都非常之好食，尤其羊架同马莎拉鸡，喺小弟嘅至心水款式，𠮶种香料味特别丰富，呢个就喺印度菜吸引之处。
37 浏览
0 赞好
0 留言
第二碟就拣咗印度乳酪羊肉咖喱、马沙拉虾、苋菜咖喱伴茅屋芝士伴以印度烤饼、印度香饭，仲加咗少少芒果酱、提子干、烤腰果同印度腌杂菜，而特辣牛肉就唔喺太敢试嘢。啲羊肉咖哩、马沙拉虾非常之正，味道甚富层次，捞饭真系一流，认真回味，加上幼长嘅印度香米饭粒分明，又加入姜黄、番红花去做，而啲烤饼口感烟韧，沾上咖喱固然好食啦，夹苋菜咖喱风味亦唔错，食完两碟主菜，非常满足。
31 浏览
0 赞好
0 留言
最后就喺生果加甜点时间，枱上共有5款甜品，包括芒果布甸、蓝莓芝士饼、苹果金宝，以及印度炸糖浆甜面圈同印度炸奶球，另外，原来仲有杯装Häagen-Dazs雪糕，共4款口供选择，小弟就拣咗芒果味。酒店嘅甜品一向都有质素嘅保证，所以，几款西式甜品味道唔错，而两款印度甜点，的话喺会偏甜，但平常实在少接触，都不妨一试，而炸奶球有啲似炸馒头沾满炼奶咁。
即磨咖啡去茶记必然叫热奶茶，晌酒店最好都喺即磨咖啡，喺多年饮食经验嘅稳胆心得，除了咖啡味道醇香之外，牛奶都喺打热过，食过甜品，再叹杯咖啡，感觉就是一大乐事。
除咗去印度餐厅之外，都好难得一次过可以试到咁多款印度美食，而且，又可以样样试啲，再者，菜式又有水准，加上环境舒服，气氛悠闲，偶尔嚟享受一吓，感觉喺非常好！
张贴
