魔膳廚房 (已結業)

去APM买生日礼物比朋友，那裹应有尽有，够你行足一日，最钟意佢有好多运动用品店。行到晚饭的时候，总要揾嘢食，想要座得舒服，见开源道有间餐厅「魔膳厨房」近排系IG好红，D甜品又好吸引人，咁近APM就行落去试一试。在APM 商场可以经鳄鱼恤大厦，直接通过商场，就可以落到地下，转右手边唔洗一分钟就会见到「魔膳厨房」嘅招牌，有一条餐厅专用的楼梯，就可以直达餐厅，非常方便。上到餐厅感到有惊喜，地方好大在香港好难得，又非常整洁，装修有特式同心思，感觉好好。座下睇吓餐牌有咩食，有好多主餐选择，最爱佢有一个沙律吧，好似酒店一样，可以任意选择，而家好多西餐厅因为成本关系，好少会设有沙律吧了，所以呢个一定系其中一个卖点。跟餐只需要加$38就已经可以任食沙律吧，讲吓沙律吧内提供了什么食品，有好新鲜嘅沙律菜,一睇菜叶就知道佢嘅新鲜程度，唔系讲笑，新鲜过系酒店食，另有三色椒、紫洋葱，切成圈形状，同菜一样咁新鲜，仲有粟米、番茄🍅、车厘茄、界花青瓜、菠萝🍍而沙拉酱有三款选择：芝麻酱、千岛酱、黑醋。总有一款啱你。沙律吧仲有水果，前菜小食任选，有西瓜、什果沙律、日式螺肉、带子裙边、海藻，最特别系有啫喱糖，童年回忆马上返