影片
更多
2018-10-04
1076 浏览
上年因为一啲不愉快嘅事件令我冇再去呢度食嘢.今次返嚟因为实在非常口痕,放工想食个粢饭.当时已经八点半,粢饭已经卖晒.唯有选择second choice嘅酸辣汤面加云吞啦.都系因为太夜,净系得幼面同埋米线.非常大粒云吞,相对嚟讲皮都系超级厚,馅料够晒多,而且有好多葱,闻到阵阵嘅香葱味.撇除咗皮太厚嘅问题之外,味道同埋口感都唔错.酸辣汤里面仲有切得超大条嘅豆腐干,仲有好多笋丝同木耳丝.豆腐干系我嘅最爱,而且我钟意食爽口嘢,扺赞.不过非常可惜嘅系主角嘅面同埋酸辣汤真系好唔掂.唔知道系咪因为临近收工,啲面浸喺酸辣汤度太耐,个面饼吸晒汤汁变晒咗成饼嘢黏埋一齐压住喺碗底,无论点样捞都捞唔散,除非你有搅烂晒啲面嘅觉悟.当你成嚿面饼撩起嘅时候,你就会见到原本系面头嘅酸辣汤流晒落最底,再冚返个面饼上去既话,所有酸辣汤会好似即时消失晒咁,好似变魔术咁,好神奇,好失败.
今次返嚟因为实在非常口痕,放工想食个粢饭.当时已经八点半,粢饭已经卖晒.唯有选择second choice嘅酸辣汤面加云吞啦.都系因为太夜,净系得幼面同埋米线.
非常大粒云吞,相对嚟讲皮都系超级厚,馅料够晒多,而且有好多葱,闻到阵阵嘅香葱味.撇除咗皮太厚嘅问题之外,味道同埋口感都唔错.
酸辣汤里面仲有切得超大条嘅豆腐干,仲有好多笋丝同木耳丝.豆腐干系我嘅最爱,而且我钟意食爽口嘢,扺赞.
不过非常可惜嘅系主角嘅面同埋酸辣汤真系好唔掂.唔知道系咪因为临近收工,啲面浸喺酸辣汤度太耐,个面饼吸晒汤汁变晒咗成饼嘢黏埋一齐压住喺碗底,无论点样捞都捞唔散,除非你有搅烂晒啲面嘅觉悟.当你成嚿面饼撩起嘅时候,你就会见到原本系面头嘅酸辣汤流晒落最底,再冚返个面饼上去既话,所有酸辣汤会好似即时消失晒咁,好似变魔术咁,好神奇,好失败.
张贴
