茶舍 (景福街)

营业中

休息中

想揾个地方同fd倾下计食个tea, 附近大型商场又无咩啱心水，见到呢间干净企理, 就入嚟试吓。 朋友想试魔鬼芝士，点了个芝士著条，软壳蟹白酒天使面，柚子鸡件及蒜香鸡翼。天气咁热，见到有我最爱的芒椰特饮，即刻点返杯！魔鬼芝士著条，好吸引，热辣辣，薯条炸得够脆，表面铺满厚层芝士，芝士全覆盖薯条，绝对唔系外面d餐厅得少少芝士。几款芝士捞埋十分好食，好邪恶食不停口。软壳蟹白酒天使面，呢款好有惊喜，有原只软壳蟹炸得好脆，配料有什菌，鱿鱼同蚬，好丰富，天使面食落够滑，味道很不错！2款小食柚子鸡件同蒜香鸡翼炸得香脆，餐汤罗宋汤足料好饮。芒果杂果生椰乳特调，满满芒果，几清新。紫薯椰乳特调，几有特色，朋友十分满意。环境比一般茶记舒适，食物亦是西餐厅的质素，下次再试其他魔鬼芝士系列。