又一棧 (已結業)

平时都小去又一城的，今日屋企做了一个小装修，和牛脷嫂都攰到摊摊腰，谂住揾间舒舒服服的餐厅坐坐，就误打误撞订左又一栈。一去到，见到几张位枱吉左喺度，而知客姐姐又带我地去左张4人圆枱坐，就问可唔可以转去卡位坐呀？点知...原来已订满哂！噢，同牛脷嫂讲，下次我地都要订位讲明先，不过大前提系下次会再来的话，因为仲未试食嘛，唔确定下次一定嚟架，心谂....不过坐圆枱都OK，几宽敞。点菜先，由于好肚饿，一叫就叫左好几样，本来想叫鳝糊，点知当日无货，改左叫豆酥鱼，仲失望，因为呢个麻麻地，鱼唔够滑，豆酥味太浓，完全抢左鱼的鲜味，可惜...或者我食唔惯啦。 好彩呢味唔系第一度上，否则成餐肯定大打折扣。第一度上的是米苋鲜鱼羹，好正，鲜鱼同菜切得够细，一个例牌有4碗，最紧要够热，加少少胡椒粉，鲜味极佳。跟住上嘅系马兰头豆干，莫名嘅喜欢马兰头，一见到呢个菜，实会点，唔通因为佢切碎哂上？懒咬，哈，唔系挂，主系菜粒加豆干粒好夹，而今次呢个马兰头仲加入左松子，奇㖞，又几好食，不过次次叫马兰头都有个缺点，就系太细个，唔够食也，或者咁先令人回味啦。和菜戴帽，一个纯粹因为个名同幅相吸引牛脷嫂而叫，你话餐牌上嘅相几重要呢，