影片
更多
2010-02-22
608 浏览
一早约好了当晚和鱼妈妈一家, 鱼家姐+姐夫一齐吃新年饭, 吃饭之前2晚, 鱼妈妈打比本鱼话喉咙唔多舒服想食清D食物, 于是本鱼系openrice search 素食店, 见食评都几高评价, 于是订了位去吃也~上到去, 哗~ 好彩有订位, 基本上地方唔算大, 而且已一早fully booked, 如果无订位, 人多既话-可能要等比较耐啰~ 当晚我地有7位, 都系唔叫半席菜, 散叫好D~~于是叫了如下: 粟米鱼翅羹 - 侍应姐姐帮我地分好一碗碗, 粟米清甜加上爽口素翅, 好好饮呢~ 可惜一窝够6-7人既份量..多返DD就好了... 招牌乳猪连自制挂包 - 挂包连蒸笼一起上枱, 挂包热辣辣, 软棉棉, 夹上脆脆既乳猪件+乳猪用既酱, 真系好似食紧真乳猪, 不过少了一分油腻, 本鱼钟意呢样呢. 五彩芋头鱼 - 芋头鱼松化软淋, 点上甜甜酸酸既汁, 很开胃, 而且店很有心思地汁分开上, 可以食到脆脆既芋头鱼, 最怕连汁一起上..因为好快令芋头鱼变淋呀~ 姜蓉有机豆苗, 一上枱, 我地有点点奇怪..唔似出面街市卖既豆苗, 一条条....仲闻到有青菜味..本鱼好担心唔好食...但好彩, 吃一口, 估
上到去, 哗~ 好彩有订位, 基本上地方唔算大, 而且已一早fully booked, 如果无订位, 人多既话-可能要等比较耐啰~
当晚我地有7位, 都系唔叫半席菜, 散叫好D~~于是叫了如下:
粟米鱼翅羹 - 侍应姐姐帮我地分好一碗碗, 粟米清甜加上爽口素翅, 好好饮呢~ 可惜一窝够6-7人既份量..多返DD就好了...
招牌乳猪连自制挂包 - 挂包连蒸笼一起上枱, 挂包热辣辣, 软棉棉, 夹上脆脆既乳猪件+乳猪用既酱, 真系好似食紧真乳猪, 不过少了一分油腻, 本鱼钟意呢样呢.
五彩芋头鱼 - 芋头鱼松化软淋, 点上甜甜酸酸既汁, 很开胃, 而且店很有心思地汁分开上, 可以食到脆脆既芋头鱼, 最怕连汁一起上..因为好快令芋头鱼变淋呀~
姜蓉有机豆苗, 一上枱, 我地有点点奇怪..唔似出面街市卖既豆苗, 一条条....仲闻到有青菜味..本鱼好担心唔好食...但好彩, 吃一口, 估唔到清脆爽甜, 几好味唷~
鲜淮山木耳鸡煲 - 上枱雾烟, 料够入味, 唔差呢~
咕噜肉, 汁甜酸度合格, 肉脆口, 鱼家姐讲了一句, 真系好咕噜肉唷~
素卷, 因为鱼妈妈钟意吃蟹子, 于是叫了一客, 4件, 同真既寿司卷无异, 只系馅料用上素食材料, 可以啊~
咸鱼茸鸭崧炒饭 - 本鱼无吃, 但见一上枱, 饭粒炒到粒粒分明, 应该味道唔太差呢.
糖醋面 - 有点点㶶, 唔太好吃, 因为面饼太厚煎得唔够透+脆....下次唔会再叫了...
芝士牛油果鲔鱼焗多士 - 见在场好多枱都有叫既食物, 问侍应姐姐咩黎既, 姐姐话好好味架, 于是叫了一份例牌(4件多士)试下, 上枱热辣辣, 料够多, 芝士又够香, 多士好脆, 正~ 推介呢~
寿包 - 嘻, 人日既关系, 都要叫笼寿包庆祝吓先~ 寿包一客6个, 新鲜热辣, 包包软棉棉, 只系唔够多馅料 (莲蓉), 多返DD就perfect 了~
总括食物美味, 无咩味精, 素食原来都可以有好多种类选择, 服务都算有礼貌, 环境较嘈, 枱与枱之间都算迫, 食物比较细碟, 男仕们要吃饭类/面类先够饱唷~
最后发现...原来呢间店系陈志云都有推介既心水食店之一哟. (门口有贴广告呢~ )
张贴
