茶舍 (北帝街)

营业中

休息中

两个月前下午茶时间路经此地，当时有一堆人系餐厅门口等候，即刻上网睇食评，发现评价良好，所以mark低要试。星期六下午2点嚟到，场内几乎满坐!! 好好彩，我地唔驶等位可以直入。香脆鱼柳包配薯条 $42餐牌个「原条鱼柳包lunch set」图片相当吸引，但价钱唔够亲民，加上下午茶都有个鱼柳包，估计应该唔会差太远。鱼柳新鲜炸出嚟，外脆内嫩滑多汁，好高质!!! 就连个面包都好有质素，面包质地软熟、有弹性，中间烘到焦脆，搽埋牛油，配埋个无得输嘅千岛酱，好味到令人想再食多个🤤。炸大鸡髀配薯条 $42呢只鸡髀偏细，薯条份量亦唔多，感觉卖$38比较合理。生炸鸡髀，无炸粉，油腻感大大减低。调味适中，亦入味，唔会过咸。第一次送上嚟果只髀中心位未熟，仲系生肉，结果炸过只。等左十分钟左右，送上一只全新髀，但收盘果阵连薯条收走，我地当然要求比番d薯条。结果等多一个字，一个单点份量嘅薯条送到。抵赞，今次食嘅野都系即叫即炸，虽然要等2-3个字，但包保上枱果阵热到出哂烟😏。加$16柚子芝士蛋糕蛋糕比想像中细件，不过味道比卖相好，柚子味好出，亦食得出浓郁芝士味。