影片
更多
2023-07-22
769 浏览
睇完牙医，离下一个appointment 仲有少少时间，可以食个快饭。揾嘢食嘅时候，系度谂食生嘢应该系最快啦挂🤔平时行街见到哩间餐厅好多人，初头以为佢系立食，入到去发现，原来有位坐。我去到嘅时候，大约3点，餐厅无落场时间，仲一直有客人入座。不过入面好逼，得bar枱位，坐低之后，后面通道岩岩好够一个人过。每个座位都加咗黑色隔板，高度可以完全遮哂成个人，唔系拉面店𠮶啲矮矮隔板。好处就系一个人食饭，都唔会见到隔离个人，有啲私人空间，可以静静享受me time；唔好处就系会有啲压迫感，动作大少少，就会撞到隔板，隔板就会撞到隔离食客😅全程用电话自助落单，落单后，厨师就会即刻帮客人准备食物。准备好，就会放系面前，客人直接喺bar枱度拎。自选鱼生饭 5款 ($128) 🐟鱼生选择好多，而且可以重覆，每款最多可以拣3款。我拣咗蟹肉蟹膏、深海池鱼、三文鱼、北海道带子、剑鱼腩。饭预先有调味，所以米饭唔系纯白色，不过饭压到好实，米有少少硬，但鱼生几新鲜。如果好想食其中一款鱼生，就要叫两份，一份只系得一片。环境好细，餐厅无休息空间俾职员，所以厨师只好喺客人少嘅时候，喺客人用餐区瞓觉，有客人嚟就让座。令成个用餐
揾嘢食嘅时候，系度谂食生嘢应该系最快啦挂🤔
平时行街见到哩间餐厅好多人，初头以为佢系立食，入到去发现，原来有位坐。
我去到嘅时候，大约3点，餐厅无落场时间，仲一直有客人入座。
不过入面好逼，得bar枱位，坐低之后，后面通道岩岩好够一个人过。
每个座位都加咗黑色隔板，高度可以完全遮哂成个人，唔系拉面店𠮶啲矮矮隔板。
好处就系一个人食饭，都唔会见到隔离个人，有啲私人空间，可以静静享受me time；唔好处就系会有啲压迫感，动作大少少，就会撞到隔板，隔板就会撞到隔离食客😅
全程用电话自助落单，落单后，厨师就会即刻帮客人准备食物。
准备好，就会放系面前，客人直接喺bar枱度拎。
自选鱼生饭 5款 ($128) 🐟
鱼生选择好多，而且可以重覆，每款最多可以拣3款。
我拣咗蟹肉蟹膏、深海池鱼、三文鱼、北海道带子、剑鱼腩。
饭预先有调味，所以米饭唔系纯白色，不过饭压到好实，米有少少硬，但鱼生几新鲜。
如果好想食其中一款鱼生，就要叫两份，一份只系得一片。
环境好细，餐厅无休息空间俾职员，所以厨师只好喺客人少嘅时候，喺客人用餐区瞓觉，有客人嚟就让座。令成个用餐体验有啲减分。
张贴
