立鮨 (Tower 535)

营业中

休息中

位於銅鑼灣中心的立鮨是日式料理愛好者的樂園。鮮度極高的刺身如鮪魚、三文魚和海膽，入口即化，讓人驚嘆不已。壽司師傅的手藝更是精湛，每一口握壽司都充滿了用心的細膩，米飯與魚肉比例恰到好處。此外，他們的創意卷壽司，融合現代口味與傳統技藝，是一大亮點。簡約而富有禪意的環境搭配親切的服務，為整體用餐體驗加分，是值得再訪的壽司佳處。

天氣回暖返少少想食壽司，由落單到送到屋企只係用咗26分鐘，呢間已經係食咗超過10次，不過第一次食評，最欣賞呢間店嘅壽司性價比高，叫咗八件壽司一份玉子小卷埋單都唔使$200，最鍾意食火焰左口魚壽司，絕對係入口即溶，鰻魚壽司亦都比較厚身！

今日去左銅鑼灣Tower535嗰間立脂食飯~這店的環境不算太大，有落地玻璃採光度較高，還有不少擺設。食物的選擇挻多的，有刺身/壽司/卷物/飯類等等。我們就選擇了多款刺身和壽司。食物即叫即做，由落單到送餐大約十分鐘就可以☺。卷看著整盤壽司就想快點吃😍，壽司飯用了赤醋可提升鮮味，而且味道更香☺，但不會蓋過食材的味道。食材新鮮由日本直送，刺身食材色澤賣相新鮮，味道鮮甜肥美🥰。刺身感覺是厚身的，口感嫰滑肥美，部分吃到魚油在口腔散發著。大部分也是直接吃，不用放醬油吃也可以☺。

一向都有光顧，之從有了連鎖壽司店之後就沒有幫襯。今晚去諗住食好啲。點知同以前差好遠！首先坐位比之前迫很多，櫃檯位置有很多塵埃。師傅係好多，但係不停談天，仲夾雜一兩句粗言穢語。開放式廚房位，仲要包壽司，又不帶口罩，真係咩胃口都無哂！ 一點都有尊業，不會再有下次了。

之前上網搵吓香港有啲乜嘢好食嘅日本餐廳，出現咗呢間，抱住懷疑心態，想試吓好唔好食。終於搵到一日試。入到嚟嘅時候雖然餐廳唔係太大，但係已經見到壽司師傅好努力咁樣握壽司，個心都覺得應該OK。嗌咗啲基本嘅壽司，新鮮。三文魚：肥美，配上少少豉油嘅壽司，喺水準以上辣味三文魚：辣味十足但係唔會太辣，喺接受到嘅味道，加上三文魚碎，非常特別。甜蝦：甜蝦非常軟糯，鮮味，唔會好腥烏冬：湯底係昆布同埋味噌，加上好滑嘅烏冬， 十分暖胃。

進入店內，環境整潔明亮，用餐氛圍相對比較舒適。首先，我點了幾款壽司試試口味。帶子壽司口感柔軟，搭配醋米的酸味和調料的香味，令人回味無窮。大托羅壽司則是香醇，肉質細膩，油脂豐富，令人愛不釋手。三文魚手卷和三文魚刺身更是美味，口感清新爽口，肉質肥美，令人欲罷不能。而劍魚壽司則是別有一番風味，肉質緊實，口感十足。在食材方面，這間壽司店確實可圈可點。每款壽司的食材都非常新鮮，看得出來都是精心挑選的。此外，店家對於調料的選擇也很有心，為每一款壽司增添了不同的風味。值得一提的是，這間壽司店的價格相當實惠。在這個區域，這樣品質的壽司店並不多見。性價比相當高，對於想要品尝美味壽司的消費者來說，這是一個很不错的選擇。

嘢食質素每況愈下，衝着佢8:30後有八折呢個優惠，點知食完買單嗰吓先至話所有拼盤盛合全部都冇折。門口poster又無寫坐低，有冇人提你。咁唔老實做生意決定以後都唔幫襯。講返食物質素，嗌咗兩個蟹籽沙律一個迷你海膽飯同埋兩個盛合。蟹籽沙律比以前差咗好多，勁多沙律醬，搞到成個沙律剩係得個咸字迷你海膽飯啲海膽完全唔覺得有啲咩鮮味，三啖就食完，100大洋最後兩個壽司拼盤百幾蚊一個，不過不失但係對唔起呢個價錢，比疫情嘅時候質素差咗好多

第一次試食呢間日本壽司店 門口望落去都幾靚既 知道平時都好多人幫襯 咁啱嗰日經過 大約夜晚6點幾 未到7點 可能平日關係 無咁多人 排咗大約5分鐘 職員安排入座 地方超級細 都唔緊要 限時先最大問題 雖然妳多日本料理都限時 入正題先 刺身唔新鮮 位置唔好座 加上60分鐘限時 想傾多陣計都唔得 迷你海膽真係超級迷你 價錢係貴 但比唔到想要既食物質素 鰻魚有骨的 雖然餐牌都有溫馨提示寫到明話小心有骨字眼 相信事但一間日本料理好味過呢間多多聲 應該不會再來

Stand up for sushi🍣.Taste: 7/10.係Sogo後面個條街 一間幾好食既壽司店🍣 企係到食壽司🕴 好似係日本有啲壽司店咁 性價比高 比omakase平但係有omakase既水準 特別推薦：櫻花蝦玉子燒🦐火灼左口魚邊壽司🍣火灼吞拿魚腩壽司🐟

啲同事成日話到呢間神咁勁好食，咁我又心思思同個同事去試下。午餐睇落唔算貴，但份量唔多，都係要追加啲小食。環境唔算大，比較適合一個或2個人嚟食。服務員都好好，會提供recommandation。特選三文魚盛合 $65三文魚好正，好爽口脆口（諗唔倒咩形容詞，類似啦），感覺好新鮮。嚴選火炙盛合 $115好鮮味，火炙燒得剛剛好。枝豆 $25有啲鹽味，唔會好冧。呢個小食無咩特別。銀雪魚魚鮫魚肉好滑，有少少鹽味。好食到連皮都食埋。

星期五12:30 左右入座。叫左個$168 北海道 5 件weekday 限定set. +$28 minced toro 飯. 師傅上菜很急又唔擺落bench 要我逐碟接 （佢手夠長 只係懶得擺低）5 件set 有海瞻 蝦 魚等,食落一般 飯同魚粘唔實 散咗 感覺似快餐店 最差迷你minced toro 丼。有小小腥味。師傅們冇嘢做就大聲傾閒計 侍應懶懶閒. 基本上係自助冇服務 （茶自助冲 餸自己接）點解要加一呢？ 埋單加一後共$212。 感覺食快歺好過。另外一提 枱面有塵有漬唔知有冇打掃呢？呢個budget加多幾十 銅鑼灣大坑有其他好選擇

立鮨已經回訪過多次，雖然它比連鎖式的壽司店價錢要貴一點，但是味道和質量都高很多，加上各分店的店面都是小小的，能夠坐在吧枱前看著師傅即席做壽司已經值回票價～ 火炙三文魚壽司 HK$10火炙會加上沙律醬，與燒過的三文魚肉非常搭，火炙後的三文魚油都迫了出來，滿滿油香超好吃！三文魚壽司 HK$9為全店最經濟實惠的壽司，性價比極高，頂部更有蔥花作點綴，三文魚肉口感軟腍無筋，這個價錢比連鎖壽司店更便宜，實在是盛意之作～自家製玉子壽司 HK$9與三文魚壽司一樣同為店內價錢最優惠的壽司，自家製玉子吸收了湯汁精華，甜甜的帶有蛋香，吃的時候能品味到裹著的紫菜香氣，值得encore！鰻魚壽司 HK$22超大片的鰻魚肉，肉質非常厚身，所以吃下去的口感份外美味，非常推薦～本鮪赤身壽司 HK$23赤身魚背不含油脂的部分，相較於高脂肪的拖羅，赤身相對健康得多，亦能吃到吞拿魚肉本身的味道。火炙海膽蟹棒壽司 HK$23蟹棒經過火炙後令味道更為突出，可是火炙味道蓋過了海膽本身的味道，令到不太能吃到海膽味，有點可惜。珍寶赤蝦壽司 HK$19非常鮮味的珍寶赤蝦，蝦味非常重而且口感超級彈牙，新鮮得真的有像剛在海裡釣上來的感覺，

📍立鮨Sushi Tachi, 銅鑼灣🇭🇰有一晚食完晚飯都唔係好夠飽😂 就同老公嚟立鮨再填飽個肚，同以前食過一次嘅表現差唔多，都係正正常常，冇乜驚艷亦冇失望😊不過係我印象唔係好深，以前立鮨係有得坐?? 定係D凳係最近先新加的?? 🤔🤔🦐蝦頭麵豉湯🦐同老公都想飲D熱野暖吓個胃先，一人一碗，蝦味好香濃，不過我自己覺得咸咗D，老公又覺得OK😌🧀三文魚子芝士玉子燒🥚新鮮即叫即整，熱辣辣上枱，呢個好好食~! 芝士加蛋係冇得輸，再加埋三文魚子嘅鮮味，好食!🍣另外仲嗌咗每人兩件壽司，夠新鮮嘅，都唔錯~! 勝在即刻有得入座，可以即時填飽個肚，正!

睇完牙醫，離下一個appointment 仲有少少時間，可以食個快飯。搵嘢食嘅時候，係度諗食生嘢應該係最快啦掛🤔平時行街見到哩間餐廳好多人，初頭以為佢係立食，入到去發現，原來有位坐。我去到嘅時候，大約3點，餐廳無落場時間，仲一直有客人入座。不過入面好逼，得bar枱位，坐低之後，後面通道岩岩好夠一個人過。每個座位都加咗黑色隔板，高度可以完全遮哂成個人，唔係拉麵店嗰啲矮矮隔板。好處就係一個人食飯，都唔會見到隔離個人，有啲私人空間，可以靜靜享受me time；唔好處就係會有啲壓迫感，動作大少少，就會撞到隔板，隔板就會撞到隔離食客😅全程用電話自助落單，落單後，廚師就會即刻幫客人準備食物。準備好，就會放係面前，客人直接喺bar枱度拎。自選魚生飯 5款 ($128) 🐟魚生選擇好多，而且可以重覆，每款最多可以揀3款。我揀咗蟹肉蟹膏、深海池魚、三文魚、北海道帶子、劍魚腩。飯預先有調味，所以米飯唔係純白色，不過飯壓到好實，米有少少硬，但魚生幾新鮮。如果好想食其中一款魚生，就要叫兩份，一份只係得一片。環境好細，餐廳無休息空間俾職員，所以廚師只好喺客人少嘅時候，喺客人用餐區瞓覺，有客人嚟就讓座。令成個用餐

而家夏天炎熱日日都成39度以上又想食壽司但係壽司普遍又好貴而位於銅鑼灣既呢間立鮨cp值超高價錢又唔算貴壽司既質量有非常好所有壽司都好新鮮而我個人好推三文魚壽司佢既魚油香好足