小魚兒 (寶漢大廈) (已結業)

话说我想食川菜，但敏仔又唔食得辣，所以同朋友都系拣返呢间，之前去过尖沙咀分店，觉得都几好食，性价比亦都好高， 我哋几个6:00上到嚟，冇人，大部份座位都系卡位，冷气够晒冻，坐得都几舒服，不过去到七点左右就开始多人啦，可能啲人放工啦！🌟金汤花胶鸡丝翅捞饭性价比好高嘅饭，热辣辣砂锅上，入边有金华火腿、花胶、鸡丝同一大片鱼翅，非常之足了！汤汁有少少杰身，系好浓郁嘅鸡汤味，捞饭真系好好食。🌟金汤酸菜鱼锅份量非常足，鱼片又超多块，鱼肉嫩滑，冇乜骨，底下有宽薯粉、芽菜、酸菜、莴笋等配菜，香浓惹味。🌟串烧牛肉、腩肉、鸡软骨今次拣咗唔辣嘅孜然味，牛肉好腍，易咬开，腩肉大大块，鸡软骨好脆，而且串烧份量都几大吋，铜锣湾嚟讲性价比真系算高。🌟椒盐鸭血食得多椒盐豆腐，今次试吓鸭血，外皮椒盐香味，外脆内软，配埋香醋汁，更加好食！食评总结：食物味道唔错，份量亦都好多，其实我一直都有得闲过嚟食，只不过冇打食评。