吉吉魚蛋 (已結業)

美孚有三、四档卖鱼蛋肠粉既小贩档, 其中一间系桥底既<吉吉鱼蛋>就最钟意帮衬。鱼蛋、烧卖、肠粉、鸡蛋仔、格仔饼等, 选择都几多, 价钱都算合理, 买完可以企系侧边食。鱼肉碗仔翅捞面 $20 印尼捞面底再加鱼肉碗仔翅, 呢碗三沟真系不得之了, 劲邪恶, 但又劲好食!个碗塞到好实好满, 捞匀都要小心d。 鱼肉条既鱼肉成分唔多, 粉亦唔算厚, 弹牙程度一般, 连埋醋, 麻油同胡椒粉食都算唔错。 碗仔翅唔会好稀又唔会好稠, 做汤底岩岩好, 虽然料唔算多, 基本既鸡肉丝、 粉丝、 木耳等都有, 味道好浓郁, 同印尼捞面既调味粉捞匀就更加惹味, 捞面唔会渌到好淋, 刚刚好既弹牙。 食完好满足, 推介呢碗三沟!肠粉$8/4条 要左$16即系有8条, 好大盒, 肠粉好滑, 加埋甜酱同麻酱, 酱汁落得好重手, 虽然冇合益泰咁好食, 不过系美孚黎讲已经叫好唔错。鱼蛋$7/6粒 冇加到惹味既辣酱因为怕辣。 鱼蛋唔系发到大大粒个只, 唔系爽口, 但结实又好有嚼口, 都唔错。