MAZ Thai & BBQ (已結業)

云云海鲜之中，鱼虾蟹甚乎肯定系大家至爱嘅Top 3，唔同国家嘅厨师都会用唔同配料、调味料同炮制手法，今晚有幸食到泰式制法，等我同大家分享下啦！~泰式生虾~次次食泰国菜甚乎第一道黎嘅都系呢度菜，非常适合作为头盘，开胃都无朋友，好钟意生虾嘅口感同酱汁，大大只啖啖肉又爽口，好易就食完一碟，基本上一人一碟都无问题。~自家制辣酒蒜蓉虾~虾肉同样鲜美弹牙，蒜蓉甘口焦香，加埋辣味同酒味，是属于重口味的料理，跟刚才咁清新嘅生虾又完完全全系另一个体验，但都系啖啖肉、好好食。~古法辣蟹~原只辣蟹卖相已经够吸引，加埋D泰国豆豉、蒜头、姜同辣椒炒香，真系食到手指都啜埋，蟹肉大大件又juicy。~爆炸软壳蟹~炸到金黄色嘅软壳蟹好酥脆，大量香蒜堆砌住，幸福感爆棚！甜辣感重，唔会过份油腻热气，爆炸口感承托出螃蟹本身嘅甜美。~盐烧马友~原条鲜鱼烧出奇地比蒸更滑，鱼肉本身带少少海水嘅咸味，配搭自家制嘅泰式辣汁就更能突显鲜美。