魚事者 (鴻達樓) (已結業)

记得几年前食过一间专做鱼面嘅餐厅，当时我觉得佢嘅鱼面好味到我要买外卖自煮面返屋企，最近发现鱼事者嘅出品可以令我重拾返回忆的味道。虽然佢都系卖港式街头小食，但佢嘅用料就截然不同，全部都系有鱼肉嘅成份。我咁挂住啲鱼面，梗要拣返两份鱼面捞，又香又臭蒜油鸡球鱼面捞嘅葱蒜油只有香，完全唔臭，鱼面非常弹牙有口感，而佢嘅鸡球都好滑好入味。绵绵芝士汁吉列猪扒鱼面捞嘅芝士汁喺底，记住捞匀嚟食，吉列猪扒够腍，捞埋紫菜丝同蕃茄粒一齐食都几唔错。炸鱼无薯条真系好得意，卖相真系同薯条好相似，其实就系有啲似鱼片头嘅口感，卖相味道都攞满分。港式多士三并配黑松露酱都好有特色，三件多士分别酿有墨鱼滑、虾滑同鱼滑，同黑松露酱嘅味道真系好夹。「我要晒」小食拼盘其实就系店舖入面其中三款小食嘅合体，再配埋咖喱、辣汁等酱料，非常吸引。咖喱鱼兵团系三件鱼仔型嘅鱼蛋，其实可以话系鱼仔型嘅鱼片头，配埋佢嘅秘制咖喱汁，真系好香口又开胃。无猪肉烧卖其实就系鱼肉烧卖，分别有两粒原味同两粒芫荽味，我自己好钟意芫荽嘅味道，所以觉得特别好食。炸鱼狗肠其实就系将鱼蛋造成好似肠仔咁嘅形状，不过估唔到系咁弹牙，我觉得送面一流。洛神花山楂雪梨茶系佢哋自家