影片
更多
2011-01-17
22 浏览
16-1-2011以前帮衬过呢度的大坑店 (http://www.openrice.com/restaurant/commentdetail.htm?commentid=2043625), 印象很不错, 是日天气继续超冻, lunch 劲想食「一人一锅」, 人在铜记结果捉了朋友嚟加路连山道店食 shabu-shabu. 星期日 2 人无订位约 1:00pm 嚟到, 竟然都「摄」到位. 前菜继续系烧枝豆, 外一样㶶, 内里的豆粒一样饱满, 粉粉的及清香, 亦一样唔热, 不过仍然系几有诚意的安排.继续叫了最基本的 set lunch ($68), 配]美国牛肉, 鲷鱼清汤底及稻庭乌冬:-鲷鱼清汤: 未落配料前先饮一啖, 好似无上次喺大坑饮到的咁「滑如牛奶」, 不过嗒得出清甜无添加的鱼味, 仍然喜欢.美国牛: 几薄身, 色泽嫣红, 食落肉味一般, 不过够嫩滑, 蘸点甜甜的麻酱同吃, 都几好食.蔬菜如常有金菇, 冬菇, 灵芝菇, 绍菜, 小棠菜及豆腐, 索满汤汁又滚到腍腍的, 清甜味美, 比牛肉仲好食 稻庭乌冬: 滑溜, 带点烟韧, 亦唔易腍晒; 但我太失策, 成饼放汤后唔记得搅散佢,
16-1-2011以前帮衬过呢度的大坑店 (http://www.openrice.com/restaurant/commentdetail.htm?commentid=2043625), 印象很不错, 是日天气继续超冻, lunch 劲想食「一人一锅」, 人在铜记结果捉了朋友嚟加路连山道店食 shabu-shabu. 星期日 2 人无订位约 1:00pm 嚟到, 竟然都「摄」到位.
前菜继续系烧枝豆, 外一样㶶, 内里的豆粒一样饱满, 粉粉的及清香, 亦一样唔热, 不过仍然系几有诚意的安排.
继续叫了最基本的 set lunch ($68), 配]美国牛肉, 鲷鱼清汤底及稻庭乌冬:-
鲷鱼清汤: 未落配料前先饮一啖, 好似无上次喺大坑饮到的咁「滑如牛奶」, 不过嗒得出清甜无添加的鱼味, 仍然喜欢.
美国牛: 几薄身, 色泽嫣红, 食落肉味一般, 不过够嫩滑, 蘸点甜甜的麻酱同吃, 都几好食.
蔬菜如常有金菇, 冬菇, 灵芝菇, 绍菜, 小棠菜及豆腐, 索满汤汁又滚到腍腍的, 清甜味美, 比牛肉仲好食
稻庭乌冬: 滑溜, 带点烟韧, 亦唔易腍晒; 但我太失策, 成饼放汤后唔记得搅散佢, 搞到乌冬有点黐底 不过到最后我已将成个 pot 拎起就咁饮晒 d 汤, 要食埋黐了底的乌冬其实都唔难的, 哈哈.
朋友的 executive set lunch ($138) 拣了和牛 + 美国牛, 配木鱼清汤及白饭; 跟餐仲有一串串烧:-
- 试了一片和牛, 肉味比美国牛更淡, 不过质地就更嫩滑松化, 各有各好吧.
- 串烧 (只可拣 $40 楼下) 拣了烟肉鹌鹑蛋卷, 简单用猪肉包住鹌鹑蛋再扫上照烧汁, 食落(酱汁的)甜甜哋又(猪肉的)咸咸哋, 加埋清香的蛋味, 几得意亦几讨好的.
另外亦散叫了一串烧牛舌 ($45): 唔算厚身, 不过一片系好大片 烧得热辣辣, 几咸香, 不过质地有少少韧, 收 $45 一串, 绝对可以更好的.
仲有饮品 (拣了 Coke Zero) 或甜品 (是日系朱古力雪米糍), 认真丰富的 set lunch
环境及招呼同大坑店都几乎一样, 连加一埋单约 $100, 朋友就约 $175, 食得满意又饱足, 天寒地冻绝对值得试试.
张贴
