皇朝明珠

营业中

休息中

同朋友去大埔酒楼饮酒，拣咗皇朝明珠。见到餐牌选择多，拣了美食同朋友一边品尝。鲍参翅肚羹非常入味，真材实料熬出来，材料有鲍鱼、海参、鱼翅、花胶等等，十分足料又惹味，值得推介!脆皮乳猪色金黄、外皮超松化同脆卜卜、肉质幼嫩，点上乳猪酱，食到停唔到口。上汤金鱼饺配水晶球，金鱼饺精致可爱，好啱打咭，馅料有爽滑既虾肉，清汤都好甜。一整盘蒸饭放上餐枱，闻到香喷喷既荷叶香味，炒饭上铺满大块斑球。皇朝三式蒸肠粉，有叉烧肠粉、鲜虾肠粉、牛肉肠粉，热腾腾且口感软滑，晶莹透薄既肠粉，齿颊留香; 叉烧肠粉带有啖啖叉烧的香味; 鲜虾肠粉包裹鲜甜饱满既虾肉; 牛肉肠粉内牛肉软腍中带点韧度。