影片
更多
2023-01-20
378 浏览
🔹餐厅：Auntie AYI @wellwellwell🔹地址：金钟金钟道88号太古广场LG1楼002号舖🔹价钱：～$200 - $400🔹营业时间：星期一至日 11:30 - 15:00 / 17:30 - 22:00🔹订座电话：2803 7881趁农历新年将至，今晚就约左班best friend 去叹返餐高级得黎又传统既粤菜~今次我地拣左系金钟太古广场地下既「Auntie AYI @wellwellwell」！一睇MENU，正！餐厅今日咁岩就推出左「鲍鱼 ‧ 三文鱼捞起套餐」，够哂应节，我地6个人一于就试吓呢个套餐先！齐齐开心SHARE！🔘鲍鱼 ‧ 三文鱼捞起套餐 (六人餐)🔘🔘南非鲍鱼 ‧ 三文鱼捞起「捞起捞起，捞到风山水起」~相信过年个时，大家都肯定听过呢句贺年说话！「捞起」源自于南洋华人过年既特色菜式，无论食物选料及过程都够哂意头！主角之一既三文鱼代表「年年有余」，再搭配各种意头材料，如红萝卜丝、海蜇丝等等～成个捞起过程有得玩又有得食，成班人都超high！特别一赞餐厅经理仲好热情咁主导成个捞起过程，大家齐齐叫住贺年口号黎捞起，真系超级开心~🔘红枣螺头炖鸡汤我就最钟意饮炖汤~呢
🔹地址：金钟金钟道88号太古广场LG1楼002号舖
🔹价钱：～$200 - $400
🔹营业时间：星期一至日 11:30 - 15:00 / 17:30 - 22:00
🔹订座电话：2803 7881
趁农历新年将至，今晚就约左班best friend 去叹返餐高级得黎又传统既粤菜~今次我地拣左系金钟太古广场地下既「Auntie AYI @wellwellwell」！
一睇MENU，正！餐厅今日咁岩就推出左「鲍鱼 ‧ 三文鱼捞起套餐」，够哂应节，我地6个人一于就试吓呢个套餐先！齐齐开心SHARE！
🔘鲍鱼 ‧ 三文鱼捞起套餐 (六人餐)🔘
🔘南非鲍鱼 ‧ 三文鱼捞起
「捞起捞起，捞到风山水起」~相信过年个时，大家都肯定听过呢句贺年说话！
「捞起」源自于南洋华人过年既特色菜式，无论食物选料及过程都够哂意头！主角之一既三文鱼代表「年年有余」，再搭配各种意头材料，如红萝卜丝、海蜇丝等等～成个捞起过程有得玩又有得食，成班人都超high！特别一赞餐厅经理仲好热情咁主导成个捞起过程，大家齐齐叫住贺年口号黎捞起，真系超级开心~
🔘红枣螺头炖鸡汤
我就最钟意饮炖汤~呢个炖汤够哂火喉而且材料充足，炖制得好浓郁~啖啖都系鸡肉及螺头既精华，入口唔油腻之余，仲好鲜甜，好正呢！！
🔘金沙大虾碌
咸蛋黄炒老虎虾，够哂邪恶既菜式~虎虾肉质够爽弹，虾壳炸至香脆，混合埋咸香味浓既咸蛋黄，简直系绝配，超惹味~
🔘清蒸老虎斑
蒸鱼一向都讲求火喉，而呢条鱼既火喉就控制得岩岩好！老虎斑外皮嫩滑带点烟韧感，而鱼肉仍然嫩滑多汁，口感一流！
🔘发财瑶柱脯伴玉掌
传统既贺年菜式呢度当然都有得食！发菜寓意发财～煮得够哂入味，入口即溶！加埋大大粒既瑶柱、豆苗及鹅掌，成个摆盘都好精美！！我最钟意鹅掌炆得好淋身～仲充满胶质，又够哂入味，值得一赞！！
🔘怀旧芝麻糖脆皮鸡
呢款称得上经典粤菜，由于制作繁复，坊间已经好少有得食！劲开心可以系呢度试到！！由腌制、上皮、吊干等工序更突显出餐厅对食材既用心～加上餐厅拣选既鸡只肉嫩而且唔会太肥！薄薄既鸡皮以滚油反覆炸至香酥，外层再铺满劲多白芝麻粒，味道够哂突出，大推呢个菜式！！
🔘贺年锦绣炒饭
炒饭粒粒分明而且镬气十足~用料加入带子粒、青豆及葱等材料，食落香喷喷，我仲忍唔住食左两碗添啊～
🔘陈皮红豆沙汤圆
红豆沙煮得好清甜，食落一啲都唔会滞！再加上芝麻蓉内馅既汤圆，以呢个甜品作结，够哂好意头~
———————————————————
🔘日本气泡苹果汁
我就另外叫左杯日本气泡苹果汁，清甜得黎够哂解渴，正~
———————————————————
😋味道：4/5
🏢环境：4.5/5
💁🏻♀️服务：4.5/5
💵价钱：4/5
🤟🏻性价比：4/5
———————————————————
👅整体小总结
呢餐饭大家都食得好开心！特别系食捞起呢个菜式，够哂互动又有意头，抵赞！加上餐厅既装修有穿越古今既感觉，灯光稍喑又带点怀旧气氛，好有特色！！而我就最欣赏佢地既餐具及食物摆盘，够哂精致，影相打卡一流！！
张贴
