鮨政

营业中

休息中

呢个鮨由香港仔时期已经认识，可惜太唔就脚，一直无缘。而家近近地上环就食到，当然要会一会。典型鮨店格局，吧枱唔吧枱都得，唔一定局你 omakase，丰俭由人。寿司拼盘 特上 $480特上真系唔系求其比几件你，全部腩位真材实料，大吞拿鱼腩、中吞拿鱼腩、三文鱼腩、油甘鱼腩都好肥美。金目鲷同鳗鱼炙烧一流。牡丹虾、海胆、带子新鲜爽甜。仲有三文鱼子同葱吞拿鱼腩细卷非常丰富。虾头可以炸或加钱转汤，要食尽虾头既味道，汤系一个好选择。抹茶麻糬冰淇淋 $68好有惊喜，外皮稍有炙烧，香脆。中间抹茶冰淇淋配麻糬，口感满分。火炙蟹棒$30有火炙香加沙律酱加持，人见人爱。三文鱼牛油果卷 $48虽然三件唔会话多，但件件都好大，净系睇大粒牛油果已经知道。