影片
更多
2022-09-08
14 浏览
自从宋皇台站开左之后，九龙城区变得愈黎愈旺，开多左唔同类型既食肆，估唔到连Omakase都有，去唔到日本旅行唯有食住Omakase止住瘾先，呢间位于龙岗道既鮨胜晚市既Omakase $1380可以叹尽18款刺身、寿司同料理，一于试下先秀 ($1380)🔶先付🔶京都豆乳配小川海胆 竹炭盐豆味香浓，配上鲜甜既海胆，好开胃🔶刺身5品🔶🦀松叶蟹肉蟹膏配啫喱 食完前菜师傅开始准备刺身，第一款打头阵既刺身系松叶蟹，卖相好精致，用左蟹造型既器皿装住，生拆松叶蟹肉好清甜，配埋香浓既蟹膏口感丰富🥃清酒蒸鲍鱼鲍鱼蒸到刚刚好，唔会好韧，肉质爽口弹牙，已经切好一件件食起上来好方便🦪仙凤趾珍蚝生蚝肉身肥厚，鲜甜滑口，用清酒轻轻煮过，散发出淡淡既酒香味，after-taste都几重，正🐟沙甸鱼师傅预先将沙甸鱼同葱卷埋一齐，处理沙甸鱼既细骨好考功夫，但食落鲜味十足，诚意之作🐟鲣鱼油脂分布比例适中，鱼味浓郁，配埋紫苏花一齐食，口感清新🐟季节料理季节料理系甘鲷立鳞烧，肉质绵滑，经油炸过后肉质鲜甜及有弹性，配上秘制既蜜柑松露汁同日本菇一齐食，口感层次非常丰富🍳蒸物呢个套餐除左有季节料理之外仲有一款蒸物，通常前菜部分会有茶
自从宋皇台站开左之后，九龙城区变得愈黎愈旺，开多左唔同类型既食肆，估唔到连Omakase都有，去唔到日本旅行唯有食住Omakase止住瘾先，呢间位于龙岗道既鮨胜晚市既Omakase $1380可以叹尽18款刺身、寿司同料理，一于试下先
秀 ($1380)
🔶先付🔶
京都豆乳配小川海胆 竹炭盐
豆味香浓，配上鲜甜既海胆，好开胃
🔶刺身5品🔶
🦀松叶蟹肉蟹膏配啫喱
食完前菜师傅开始准备刺身，第一款打头阵既刺身系松叶蟹，卖相好精致，用左蟹造型既器皿装住，生拆松叶蟹肉好清甜，配埋香浓既蟹膏口感丰富
🥃清酒蒸鲍鱼
鲍鱼蒸到刚刚好，唔会好韧，肉质爽口弹牙，已经切好一件件食起上来好方便
🦪仙凤趾珍蚝
生蚝肉身肥厚，鲜甜滑口，用清酒轻轻煮过，散发出淡淡既酒香味，after-taste都几重，正
🐟沙甸鱼
师傅预先将沙甸鱼同葱卷埋一齐，处理沙甸鱼既细骨好考功夫，但食落鲜味十足，诚意之作
🐟鲣鱼
油脂分布比例适中，鱼味浓郁，配埋紫苏花一齐食，口感清新
🐟季节料理
季节料理系甘鲷立鳞烧，肉质绵滑，经油炸过后肉质鲜甜及有弹性，配上秘制既蜜柑松露汁同日本菇一齐食，口感层次非常丰富
🍳蒸物
呢个套餐除左有季节料理之外仲有一款蒸物，通常前菜部分会有茶碗蒸，鮨胜既蒸物用料上乘，系龙虾汁松叶蟹肉配鱼翅蒸蛋，蒸蛋唔会过火好滑溜，橙黄色既龙虾汁配埋啖啖蟹肉，鲜味十足
🍣寿司
第一款寿司系秋鲑，鱼身呈漂亮的淡橙色，师傅用上青酱带出其鲜味，好正
🦐绍兴酒 牡丹虾
师傅会系你面前即开牡丹虾够哂新鲜，估唔到配埋中式既绍兴酒又几夹，虾肉鲜甜爽弹，口感特别
🍣熟成拖罗
平时系出面食omakase多数食既系新鲜拖罗，师傅用上熟成既做法令鱼肉味道更加浓厚，油脂较高，鱼油甘香
🍣白乌贼
白乌贼本身味道较淡，有见及此，师傅先将少量海胆同寿司饭混合，配埋弹牙既白乌贼一齐食，鲜甜可口
🍣石垣贝
石垣贝肉质甘甜，口感又厚实，配埋蛋黄醋更能提升鲜味，高质
🍣赤鯥鱼
以炙烧过既赤鯥作结，脂肪充足，带有甜味，大满足
🍣手卷
吞拿鱼蓉用上鱼腩部分，油分丰腴， 而且师傅手剁得幼滑无筯， 最正的是手卷由头到尾都有鱼蓉， 加上微脆的紫菜，推介
🥚江户前玉子
口感如蜂蜜蛋糕般松软，正
🥣吸物
吸物方面都好用心准备，用既系羽太松茸菇清汤，松茸菇鲜味突出，汤底清甜，暖胃之选
🍈甜点
最后以时令水果:静冈蜜瓜同水蜜桃，两者鲜甜多汁，为呢餐咁好食既Omakase画上完美既句号😋
张贴
