影片
更多
2022-08-11
1140 浏览
趁著放假，小编时时会约朋友去食Omakase，慰劳一下平日工作嘅辛劳！近来，我就试咗铜锣湾新开嘅鮨山月午市厨师发办！谂住简单食个饭，点知无论食物品质、服务及环境都比预期中好！😍鮨山月提供2款午市套餐，分HK$680及HK$880两个价位，前者系13件寿司＋卷物，后者则为4品前菜＋10件寿司＋卷物，只系差200蚊，但相对丰富好多，我当然拣后者。骤眼望，价钱唔算特别平，但食起上嚟，份量都几足！难得嘅系，师傅用上好多同级Omakase所没有嘅稀有鱼类，如价格可比海胆、仅有一个月鱼季嘅天草新子鱼，夏季限定嘅石川县荒鱼等，据说都系师傅相熟嘅日本朋友，每日新鲜投标得来，非常难得！至于服务及环境，我都觉得鮨山月整体都好好！寿司Bar枱阔落，配上竹林和室，感觉舒适！Bar枱仲特登设计成同客人枱同样高度，方便师傅同客人交流，展示是日鱼鲜，同埋制作过程，唔似部分Omakase店咁遮遮掩掩，系信心嘅表现！✦ 午市Omakase HK$880✨鲍鱼茶碗蒸 🍴3.5/5前菜先是暖胃嘅茶碗蒸，上有慢煮鲍鱼、萝卜苗及木鱼高汤芡汁，芡汁增加咗蛋嘅鲜甜及嫩滑度，鲍鱼软腍，清清地，口感不错。\4品料理/✨爱媛县象拔蚌、石
趁著放假，小编时时会约朋友去食Omakase，慰劳一下平日工作嘅辛劳！近来，我就试咗铜锣湾新开嘅鮨山月午市厨师发办！谂住简单食个饭，点知无论食物品质、服务及环境都比预期中好！😍
鮨山月提供2款午市套餐，分HK$680及HK$880两个价位，前者系13件寿司＋卷物，后者则为4品前菜＋10件寿司＋卷物，只系差200蚊，但相对丰富好多，我当然拣后者。骤眼望，价钱唔算特别平，但食起上嚟，份量都几足！难得嘅系，师傅用上好多同级Omakase所没有嘅稀有鱼类，如价格可比海胆、仅有一个月鱼季嘅天草新子鱼，夏季限定嘅石川县荒鱼等，据说都系师傅相熟嘅日本朋友，每日新鲜投标得来，非常难得！
至于服务及环境，我都觉得鮨山月整体都好好！寿司Bar枱阔落，配上竹林和室，感觉舒适！Bar枱仲特登设计成同客人枱同样高度，方便师傅同客人交流，展示是日鱼鲜，同埋制作过程，唔似部分Omakase店咁遮遮掩掩，系信心嘅表现！
✦ 午市Omakase HK$880
鲍鱼茶碗蒸
36 浏览
0 赞好
0 留言
前菜先是暖胃嘅茶碗蒸，上有慢煮鲍鱼、萝卜苗及木鱼高汤芡汁，芡汁增加咗蛋嘅鲜甜及嫩滑度，鲍鱼软腍，清清地，口感不错。
\4品料理/
爱媛县象拔蚌、石川县荒鱼、矶之雪昆布淮山卷
19 浏览
0 赞好
0 留言
先尝象拔蚌，好易咬开，但又不失爽甜口感，简单点岩盐，更能引出鲜味。是日造访，刚巧尝到稀有嘅石川县荒鱼，鱼肉好腍，带微微甜香，好特别！至于矶之雪昆布淮山卷，以白昆布包住切丝淮山，昆布薄如纸，味道清爽。
✨昆布渍北海道牡丹虾 🍴4/5
牡丹虾先用昆布渍过，上面再有虾清汤做嘅啫喱、虾籽＋虾膏做嘅虾油，唔使剥壳，一口气就食晒成只虾嘅精华部位！
明石八爪鱼
18 浏览
1 赞好
0 留言
用上日本优质嘅明石八爪鱼，以萝卜渍约7-10日，软化＋熟成八爪鱼肉。食上口外层呈啫喱状，内里烟韧，师傅仲加咗少少柚子皮，衬托八爪鱼肉嘅鲜味。
✨青森县 BB吞拿鱼🍴3.8/5
BB吞拿鱼不算油脂高，较重味，师傅用稻草熏烧，令鱼肉带有炭火烟香，食落口，烟熏，再伴有福冈高等葱及葱油做嘅酱汁。
\寿司10贯/
碎葱拖罗手卷
15 浏览
0 赞好
0 留言
1️⃣ 爱媛县鲈鱼🍴3.5/5
夏季限定嘅鱼，肉质软腍，鲜美十足！
2️⃣ 富山县白虾🍴4/5
全年产嘅白虾，胶质好重，店家放了足料岩盐及柚子皮，清新得嚟又唔寡。
3️⃣ 福冈伊佐木鱼🍴3.8/5
又系夏季先有嘅鱼，油脂丰富 ，食上去几弹牙。
4️⃣静冈地金木鲷 🍴4/5
店家不会好行咁用火枪烧，而系重本用和歌山备长炭烧鱼，呢种炭密度高，火会比一般炭热好多，快速令鱼外层烧熟。食时阵阵炭香味，微苦，口感一流。
5️⃣和歌山纺锤𫚕🍴4/5
鱼肉口感极腍，超鲜甜，油脂丰沛而不腻！
6️⃣长崎赤陆鱼 🍴3.8/5
经过炙烧，鱼脂香好突出，味道不错！
7️⃣赤身渍 🍴4/5
用上青森大间吞拿鱼，以酱油轻渍赤身，去除赤身嘅微酸，质感又腍又滑，咸度刚好。
8️⃣大拖罗 🍴4.5/5
平时好怕食大拖罗，怕太油腻。店家特别将大拖罗一番腹上放喺0-1度柜，花14日熟成，去除令鱼肉本身嘅油腻感！师傅仲细心将大拖罗细切，将大拖罗嘅根膜切开，同时令酱油可充分渗入鱼肉，味道一流！
9️⃣天草新子鱼 🍴3.8/5
师傅用上矜贵嘅新子鱼，据说一年只有一个月可捕捉到，价格同海胆差不多！师傅指一件寿司就用上三条新子鱼，师傅要细心去骨风干，仲要加糖盐醋渍，工序繁多！鱼肉结实，极浓郁，鲜味令人难忘！属于江户前嘅做法。
🔟北海道马粪海胆 🍴4/5
北海道马粪海胆甜度较高，入口即化，有种雪糕般嘅质感！
\卷物/✨碎葱拖罗手卷 🍴3.5/5
加了京葱，令拖罗蓉带有微辛，不过香气扑鼻，连爽脆嘅紫菜食，正！
\汤及甜品/✨豆腐味噌汤 🍴3.5/5
✨抹茶雪糕 🍴3.5/5
抹茶雪糕、咖啡
12 浏览
1 赞好
0 留言
张贴
