鮨池壽司店 (已結業)

有6个course：前菜、刺身、卷物、熟食加烧物、天妇罗同炒饭。香芒蟹子salad有好多青瓜所以够清新，做starter一流。两只生蚝超新鲜，连我平时唔多钟意食嘅，都觉得好好味，够大只够鲜甜！总共有六款刺身，包括鲍鱼，三文鱼，油甘鱼， 赤虾，帆立贝同八爪鱼，全部都好新鲜！我平日唔多食三文鱼，但今次呢个火炙芝士三文鱼卷配搭，加埋芝士，我觉得都几好味。有三文鱼油香，芝士令到成个口咁都好creamy。鱼奶汤我觉得超好味，有好多素菜！！好想散叫多几碗。烧鸡翼同牛舌都几好，鸡翼超大只，烧完都好多汁，牛舌厚切有口感！杂锦天妇罗包两只虾，同四款菜，外皮松脆，冇油腻感！最后食埋个樱花虾鸡肉炒饭真心饱饱。最后仲有apollo雪条！！$688加10%我觉得抵啦！呢到坐得舒服，师傅同服务员都好好人，最紧要够安静，可以好好享受。