辛鮮 (已結業)

难得早收工和亲爱的同事们去打个边炉,而呢间新开的店子似乎挺吸引。如果8点前结帐,火锅底只是$1,煲底半价,都好抵WOR~我地5个人俾左两个火锅底,呢个系猪骨汤,都有好多猪骨系入面,足料的。野食是散叫,都有好多款同有特色。有两个小食,花生就咸左D,鸡肾辣得惹味,相当醒神~新鲜墨鱼,好晶莹剔透,样子漂亮,渌完食落口好爽口,而脆肉鲩十分新鲜,一D都唔腥。7宝丸,估唔到系每样得一粒,唔可以全部都试下,份量唔抵食。肥牛拼盆,鲜艳的牛肉铺得好整齐,而且肥脂匀称,渌左十秒食得,好香的肉味。连唔太食牛的我都食左好几块加$1有碟菜心,都有半斤的份量,而且够嫩绿。最重要的主角终于出场~~鲜炸紫菜响铃,真系即叫即炸,完全无油溢味,卜卜脆到旁边同事都听到好清楚淡淡的紫菜香令个响铃多左个层次,不停ENCORE都得!!炸鱼皮都好脆口,就咁食已十分正。鲜炸响铃都好好味,如果你不喜欢紫菜可以选择这个虽然唔系任食,但辛鲜的食材都很新鲜,是值回票价的,而且汤底不重味精,适合一大班朋友来聚餐,而且店员服务不错,会主动加汤。