寿々乃

营业中

休息中

朋友话想一齐试吓Omakase，我就上网做功课，最后拣呢咗间位于跑马地好多人推荐嘅Omakase。我哋点咗最丰富嘅Omakase套餐，Menu概括写咗套餐会包括前菜，刺身，寿司，料理，汤，甜品等等。师傅会拣选时令材料去制作呢一餐，充满惊喜，令人期待。菜式比想像中要多，以下拣啲令我印象深刻嘅食物介绍一下。前菜系栗子银杏乌鱼子萝卜鱿鱼。第一道菜式嘅卖相已经非常有惊喜，而且丰富。秋刀鱼汤充满菇嘅香气，热辣辣好暖胃。真羽太爽甜鲜味。三文鱼籽好爽甜，呢种新鲜嘅口感同平时食嘅好唔一样，再配上柚子萝卜蓉，清新美味。白粟米+黄粟米，简单而吸引，非常清甜。真鲷口感好爽，有淡淡嘅鲜甜。鲭鱼肥美新鲜。昆布渍带子 ，带子充满酱油香气，口感软滑，好好食。一次过试晒三款唔同部位嘅吞拿鱼！包括中吞拿，大吞拿鱼腩，同埋酱油渍吞拿鱼。大吞拿鱼腩超级肥美，但我最钟意嘅系酱油渍吞拿鱼，口感非常软滑，味道好浓。北海道马粪海胆令我非常难忘，份量一啲都唔吝啬，一口吃下浓郁嘅海胆，非常甘甜，简直系冲击味蕾富良野赤肉瓜+冲绳热情果芝士饼。师傅提醒赤肉瓜已经非常甜美，而芝士饼因为系自家制，所以做咗少甜，所以可以先食芝士饼，再食赤肉瓜。