皇朝私房火鍋

营业中

休息中

冇记错今次系第二次嚟皇朝海鲜火锅食喇。 原来呢间皇朝海鲜火锅店系海鲜蒸锅嘅始祖嚟㗎!奇怪嘅系点解佢个名系皇朝海鲜火锅而唔咪皇朝海鲜蒸锅呢？咁真系可能要问下老细先知呀。 呢度用嘅蒸锅唔系出面嘅石锅或者竹藤做嘅锅。根据待应所讲，唔用石锅同竹藤锅嘅原因，系因为清洁困难。出面啲铺头冇可能叫清洁姐姐搬个重既石锅咁辛苦洗挂?而用竹藤做嘅锅就清洗困难容易勾菌，所以用返不锈钢锅反而系最干净卫生。 因为系平日 晚上嘅关系，人流就冇星期六日咁多。但系都有好多捧场客㗎!喺后面就见到有好大既鱼缸放住新鲜嘅海产。今日我哋有六个人嘅关系，唔同上次我哋点咗啲小食。 左边嘅系落神花茶，系我食过咁多间蒸锅火锅店都冇嘅独有饮品。其实洛神花茶𠮶种酸甜嘅味道，更加引起我嘅食欲，同埋好解渴。叫咗三个小食分别系炸鱼腐，鸡翼同埋麻辣凤爪。鱼腐好有鱼蛋嘅口感，够烟韧弹牙。只鸡翼就炸得好香，同埋有少少脆好鬼惹味。凤爪就辣得好过瘾，因为佢加咗好多辣椒落去!钟意食辣嘅人可以一试。 之后当然系我最爱食嘅贝壳类啦。分别有扇贝， 沙蚬，沙白蚬同埋大沙蚬。呢度啲蚬真系好新鲜好甜，全部都好多汁。而且肉质爽口弹牙 一啲都唔腥，最重要系呢度啲蚬洗得好干