鳴 Fusion (已結業)

最近人人玩只hit爆既手机game 当然我同小胖男友都唔执输有玩埋一份啦 而刚过去既星期六我地就去左九龙公园捉小精灵玩呢个game真系要用几多energy 玩完一轮劲肚饿 心思思想食日本野 誓要补充返流失左既卡路里于是乎同小胖男友行左去离九龙公园不远既阿士厘道揾下有咩好野食系咁肚饿既时候 畀我地揾到鸣fusion有放题食 立即开餐喇餐厅应该开左唔系好耐 装修新净企理 有一个半开放式厨房 客人可以清楚望到刺身柜肚饿既我地拿拿声点左刺身 寿司 串烧 天妇罗等刺身种类唔少 有三文鱼, 鲍片, 荣螺片, 马刀贝, 甜虾, 希灵鱼, 八爪鱼, 仲有几款鱼刺身 同 玉子最爱吃贝类海产既我 觉得荣螺片同马刀贝真系超爽超甜连小胖男友都极度like马刀贝既口感 三文鱼都好新鲜, 爽口肥美 另外甜虾大大只 两round刺身都令我地非常满意而寿司方便一d都唔马虎 以放题黎讲 质素可算中上 蜜桃花之恋估唔到咁夹 咁好味 其他寿司 例如北寄贝 火炙带子亦食得出用料系新鲜货色 另外沙律腐皮船都系好味之选串烧亦系另一样卖点 盐烧鸡翼烧得岩岩好 好香 唔会过咸烟肉车厘茄更系无得输烧粟米,烧菠萝都好juicy值得一赞