影片
更多
2024-12-09
310 浏览
冇得去旅行真系有啲闷放假就去香港后花园西贡蒲吓啦！入得西贡梗系要同老婆大人食埋佢最钟意嘅海鲜先返归。呢次拣咗西贡出名嘅胜记海鲜酒家，门面靓到一个点真系冇得输唔知啲嘢食系咪一样咁正呢。酒家入面有好多舒服嘅贵宾房够晒阔落仲有个露台仔！好似而家咁嘅天时打开窗门就可以闻到海水味。先整啲前菜食吓呢个系脆皮滑豆腐！够香徇脆唔油已经系合格加埋入面嘅豆腐滑嘟嘟咁好唔错。老婆大人最钟意食象拔蚌刺身就整返条佢叹吓啦！新鲜嘅象拔蚌爽脆又够鲜味掂㖞，仲可以食到三个部位可以试吓唔同嘅口感正呀喂。濑尿虾食得多但系花雕醉濑尿虾都系第一次试！好鬼钟意已经将啲壳去咗唔使惊整亲个嘴，濑尿虾肉嘅质地好正唔会霉口，加埋佢有一阵阵嘅花雕酒味真系好鬼正。椒盐鲜鲍鱼够晒惹味咬落去好弹牙鲜味都好够，用咗椒盐嚟整对我嚟讲系特别吸引嘅。嚟呢度食海鲜真系有好多第一次！酒糟粉丝蒸大元贝系我谂都未谂过嘅组合，红酒糟有佢独特嘅咸香味撞埋落新鲜嘅大元贝呢个味道真系好唔错。呢个型仔到爆嘅系泰式糟池龙虾伴脆米粉！呢度用咗泰式嘅方法嚟整新鲜龙虾，仲以为净系会食到浓郁嘅酱汁味点知又整到啱啱好，食到汁嘅香浓味又唔会冚咗龙虾嘅鲜味真系有料到㖞。师傅惊我哋食唔
呢次拣咗西贡出名嘅胜记海鲜酒家，门面靓到一个点真系冇得输唔知啲嘢食系咪一样咁正呢。
酒家入面有好多舒服嘅贵宾房够晒阔落仲有个露台仔！好似而家咁嘅天时打开窗门就可以闻到海水味。
先整啲前菜食吓呢个系脆皮滑豆腐！够香徇脆唔油已经系合格加埋入面嘅豆腐滑嘟嘟咁好唔错。
老婆大人最钟意食象拔蚌刺身就整返条佢叹吓啦！新鲜嘅象拔蚌爽脆又够鲜味掂㖞，仲可以食到三个部位可以试吓唔同嘅口感正呀喂。
濑尿虾食得多但系花雕醉濑尿虾都系第一次试！好鬼钟意已经将啲壳去咗唔使惊整亲个嘴，濑尿虾肉嘅质地好正唔会霉口，加埋佢有一阵阵嘅花雕酒味真系好鬼正。
椒盐鲜鲍鱼够晒惹味咬落去好弹牙鲜味都好够，用咗椒盐嚟整对我嚟讲系特别吸引嘅。
嚟呢度食海鲜真系有好多第一次！酒糟粉丝蒸大元贝系我谂都未谂过嘅组合，红酒糟有佢独特嘅咸香味撞埋落新鲜嘅大元贝呢个味道真系好唔错。
呢个型仔到爆嘅系泰式糟池龙虾伴脆米粉！呢度用咗泰式嘅方法嚟整新鲜龙虾，仲以为净系会食到浓郁嘅酱汁味点知又整到啱啱好，食到汁嘅香浓味又唔会冚咗龙虾嘅鲜味真系有料到㖞。
师傅惊我哋食唔饱仲要整个炸米粉底！加咗个泰式汁落去呢个炸米粉简直系星级嘅味道。
油盐焗奄仔蟹系老婆嘅「飞佛」估唔到呢个时间都好靓女㖞！
盐香味做得好好啲蟹羔食入口软绵绵好舒服，几惊胆固醇都要队返半只先哈哈。
米汤浸胜瓜呢个煮法都几特别㖞！唔知系咪因为有米汤所以食落去特别清甜。
头先嘅龙虾头同爪用嚟整咗个浓汤泡饭！估唔到出嚟个味咁鬼鲜甜佢哋个汤头真系好正斗，食嘅时候加啲响米落去就更加有咬口。
甜品我哋拣咗生磨蛋白杏仁茶！饮得出系生磨因为现成嘅绝对冇呢种味道同质地。
张贴
