黃金車仔麵 (已結業)

黄金车仔面 (将军澳)今日同朋友去新都城行街，到晚餐时间。我地见到有间车仔面店舖。店舖装修得新净，光猛企理， 座位舒服， 非常近地铁站。咁我地叫咗两碗车仔面同唔少小食。*值得推荐的是车仔面的汤底非常清甜，店舖老板每天都会用鲜鸡、猪筒骨、配萝卜、昆布 和小鱼干等材料， 用慢火熬制而成的汤底 ，特别鲜味。1. 豪华六宝米线$64 豪华六宝米线材料包括有卤水鸡翼、 秘制鱿鱼、 柱侯牛腩、日式猪软骨、 韭菜饺子和酸甜斋。卤水鸡翼大大只、好入味、鸡肉好滑。鱿鱼爽口弹牙。牛腩香喷喷，质地软淋。猪软骨炆到好入味，充满胶质。米线好滑，唔会碎，煮得啱啱好。2. 卤水大杂粗面$56 卤水大杂包括有卤水猪大肠、 潮式卤腩肉、咖哩猪皮、鱼蛋 、清甜萝卜和香辣猪红。猪大肠洗得好干净，冇臭味。卤腩肉好入味，肥瘦适中。咖哩猪皮同鱼蛋好惹味，咖哩辣辣地，令汤底都有少少味。萝卜好甜，冇渣。3. 蚬蚧鲮鱼饼鲮鱼饼煎得好好，表面金黄色，好香脆。鲮鱼新鲜，鱼肉好香。4. 香脆猪颈肉猪颈肉份量好多，煎到外面脆脆地，入面肉质带有油脂感，好好味。另外，仲食到好香嘅香茅味，充满香料。5. 卤水鸡髀鸡髀大大只，卤得好入味，而且肉质好滑