小漁港海鮮舫 鮮蒸‧鮮味火鍋

营业中

休息中

好友大肚唔食得刺身又想食海鲜，于是拣咗蒸海鲜。负责订枱嘅话喺openrice见食评唔错所以试一试。佢哋算系厨师发办形式，menu只写有几款海鲜，几款配菜，要落单时问侍应先知。我哋当日因为只得3个人，所以只可以拣$398/位𠮶款餐，另外有一款$498/位要6人以上先可以拣。上蒸海鲜之前先上一盘刺身，然后就系龙虾同斑马濑尿虾，侍应姐姐会全程帮你蒸，自己完全唔使郁手。佢先将龙虾头同脚拆落嚟放入锅煲粥，然后再喺上面蒸龙虾同濑尿虾，侍应姐姐会set好时间，够钟嗌佢过嚟就ok，佢会帮忙夹上嚟再放其他海鲜落去蒸，如是者直到你食到鸡件蒸乌冬为止，最后就系充满海鲜精华嘅粥。龙虾同濑尿虾好新鲜，而且濑尿虾将近有女仔前臂咁长，虾同扇贝都好食，沙白一般，青口我唔食唔知好唔好味。蛏子唔算大只但冇沙，另外仲有鲍鱼同马友。尾声的鸡件蒸乌冬有惊喜，鸡油渗晒落手打乌冬度，好够味，不过啲南瓜同芋头都偏硬。最后因为食到好饱，个粥食唔落要打包，但煲得好绵又好鲜，宵夜直接成兜食晒。