海膽仔

营业中

休息中

今日嚟新蒲岗食lunch，上次食过呢间海胆仔觉得几好食所以今日又来食，装修陈设既具日式有具现代风格，舖头分咗两个部份，出面系寿司师傅工作吧枱同陈列柜，入面系用餐嘅地方，座位宽敞舒适。必食推介：倍化带子吞海胆 呢个组合好有创意，系将大带子开半夹着住海胆，带子大大粒够晒厚身，味道鲜甜👍🏻；海胆黄色鲜艳，口感Creamy😋，好鲜味冇明矾味亦唔会有腥臭味，两者配合得好好，食落好有满足感☺️🦀甲罗烧配法包🥖比较少日式料理店会有甲罗烧，见到有梗系要嗌嚟试吓，甲罗烧上面放咗一只日本蛋，捞埋里面嘅蟹膏同蟹肉一齐食好creamy, 蟹膏咸香味浓配上鲜甜嘅蟹肉🤩，原本以为捞饭食已经系最好嘅配搭，估唔到配上香脆嘅法包都好夹，就好似法式鹅肝酱搽喺法包上面咁样，创意满分💯串烧鱿鱼须🦑睇相以为系串烧鱿鱼酥，出嚟系串烧鱿鱼仔，不过鱿鱼仔好爽脆，加咗七味粉同盐同胡椒调味，既唔会遮盖鱿鱼仔嘅鲜味，又有少少辣好惹味香葱拖罗蓉手卷🐟拖罗蓉好鲜味好滑，拖罗蓉份量都几多，紫菜香脆，包住嘅寿司饭粒粒分明又软熟，食落大少少甜味。整体来讲，食才新鲜，食物款式多元化又创新；环境舒适；价钱合理，服务态度良好，上菜速度十分快。