偉偉川菜 (利發大廈)

营业中

休息中

隐藏喺渣甸坊一间陈旧大厦里面嘅小店。虽然外表令人犹豫，但见到里面食客全部都系讲国语，感觉几地道㖞。午餐$68至$88起就有唔同嘅酸菜鱼、水煮鱼等等嘅选择。今次就试一试「鲜椒鱼」。汤底：搅拌一下汤底，好香嘅花椒味道，铺满大量葱同埋青椒，卖相吸引。一开始食，因为叫咗小辣，所以觉得系可接受嘅程度，唔会太辣。汤底系清汤加花椒麻嘅味道，都唔系好分到青椒同花椒嘅味。但系食咗一阵，就越食越麻，成个嘴都麻晒！鱼肉鲜嫩，份量颇多。都会有一两条骨，但系唔影响。整体嚟讲，鲜椒鱼系偏清汤加花椒麻嘅味道，层次我就觉得唔够酸菜鱼咁丰富，不过都不失系一个新鲜口味嘅选择。下次我都会再试吓其他菜式。