塩玉居酒屋 (已結業)

近排知道中环大馆翻新后成为左文青新蒲点，我呢嘅梗系唔执输拿拿声走去打卡啦。所以收工揾埋朋友系铜锣湾呢度食餐饱后，再搭叮叮过去影下相。原条曹以鱼刺身，新鲜嘅深海鱼直运到港，唔需做花巧野直接以刺身形式就足够鲜味。用冰镇住入口爽脆有嚼劲，鱼嘅甘鲜味慢慢渗出。美味就系咁简单直接。鱼骨面豉汤。物尽其用地将刺身食剩嘅鱼骨熬汤，善用鱼嘅每一部份。因为用上白面豉黎煮汤，所以饮落清甜面豉味唔会抢左鲜嘅鲜味。不错。左口鱼边寿司，油脂唔系讲笑地多，只用炙热方法轻轻烫熟表面令鱼油升温。单单放入口就已经开始融化，啖啖油香真系无得弹。配酸口醋饭作出中和，觉得比松叶蟹脚寿更不遑多让。松叶蟹脚寿司。以生蟹脚做成寿司除左食到蟹肉嘅鲜甜，蟹脚嘅棉滑质感都十分不错。再加上浓郁蟹膏，味道混和上黎都算清淡但绝无腥味，因为甲壳类海产如果处理得唔好，食时啲味道一定大打折扣。炸软壳蟹沙律。炸蟹件嘅粉几薄完全唔油腻。入口香滑酥脆之余，蟹肉亦十分滑嫩，仲要有埋蟹黄画龙点睛，真系齿颊留香。烧豆腐。用上鲣鱼碎及和式照烧汁制成，入口先会食到鲣鱼碎嘅咸香味道再尝到汁酱嘅甜口，令到平淡嘅豆腐增添不少色彩。加上豆腐四面焦脆食落有啲似一口和牛粒。烟肉