極之拉麵

营业中

休息中

同朋友去咗长沙湾嘅极之拉面，想试佢哋招牌嘅蚝汤拉面。呢间铺头主打用日本广岛蚝熬汤，真系好吸引。终极之广岛牡蛎浓汤拉面 $138汤底一上嚟已经闻到浓浓嘅蚝香，仲未食已经流口水。汤头好浓稠，真系好有层次感，蚝味鲜甜丰厚，饮落去好似真系食紧新鲜嘅蚝咁，简直系蚝味爆炸！有数只大嘅广岛蚝，蚝味浓郁又好肥美，仲有好多细嘅蚝仔，钟意蚝嘅必食。拉面软硬适中，吸晒汤底之后每一口都充满蚝嘅鲜香。拉面入面嘅糖心蛋都好好食，仲有一小碟嘅酸瓜可以清新口腔。极之真牡蛎酱油拉面 $99再加$1加炸鱼皮。相比起浓汤，呢个酱油汤底清爽啲，但依然保持住浓郁嘅蚝味。汤底咸中带鲜，唔会过于厚重，炸鱼皮脆卜卜，配埋面食口感一流。北海道芝士年糕系一个邪恶嘅选择，年糕烟韧，芝士溶化后嘅浓香味直扑味蕾。炸鸡皮饺子鸡皮香脆，馅料饱满，食落去唔会觉得太油腻。最后配返罐冻日本苹果汁，酸甜清爽。