Deep Sea Oyster & Steak

营业中

休息中

之前去尖沙咀嘅Deep Sea Oyster & Steak食dinner，记得系成餐饭都系好开心嘅体验，忍唔住想记录低。餐厅装修得好靓，食物种类都好多，我地咩都试咗啲。首先系生蚝，听完店员介绍之后，我order咗日本蚝、爱尔兰蚝同埋两款法国蚝。全部都好味嘅，但我私心最钟意爱尔兰蚝，佢食落肉质爽口，蚝味鲜甜，海水味甘甘地，十分细腻，回甘好劲，女士应该会钟意。主食就有澳洲草饲羊架同香辣虾意粉。草饲羊架肥嫩，内里系完美嘅粉红色，餐厅嘅香料同羊架配搭得好好。香辣虾意粉惹味，虾肉弹牙。仲有鹅肝多士都好正， 鹅肝极度肥美，选用嘅义大利陈醋食得出系好好quality嘅，所以淋系鹅肝度恰到好处，十分解腻。日本黑豚五花腩串都出色，豚肉焦香。最后甜品系焦糖布丁蛋糕，蛋香味好出，超满足。