豊勝手丼 (已搬遷) 新店位置

今日放工要食丼，要食好食嘅丼。同事A就搭讪话铜锣湾有一间豊胜手丼，坚好味，所以就落去睇吓系咪咁坚。环境唔错，好有和式居酒屋嘅感觉，虽然地方唔系太大，但放心座位唔会太迫。餐牌主要有丼同一啲小食，另外如果想加其他刺身都可以加钱。今日就叫咗个北海蟹丼Set~包括咗有前菜同面豉汤同丼。前菜有北寄贝沙律，切粒嘅鲜北寄贝加埋沙律酱捞埋一齐食，的确系开胃嘅。北海蟹丼，份量好震撼有松叶蟹嘅蟹钳同蟹脚，蟹味浓带少少海水味，另外仲有一堆蟹肉，雪白嘅蟹肉捞饭无得输，仲有一堆鲜到爆嘅蟹膏。一个丼一种蟹，但有唔同层次同味道。满足~估唔到连气水都用日本货，呢个苹果味梳打喺日本饮过，饮落唔太甜，我比较钟意呢种味道，因为系真苹果味，唔系糖水味。