蟹仙海鮮蒸氣石碢

营业中

休息中

今天朋友带我去鲤鱼门食海鲜，食蒸气火锅，呢间餐厅可以望到好靓嘅海景同埋日落。而且啲海鲜系野生，仲要明码实价，啱晒我哋唔系太识拣海鲜嘅人，唔使惊俾人呃。野生菲律宾大黄奄仔蟹第一次食呢种蟹，真系好多膏，个蟹壳d膏系顶晒角，劲甘香，好邪恶。D肉饱满新鲜，一索索，劲鲜甜。日本深海石班一夜干啲鱼好有鲜味，好滑同juicy , 鱼皮有弹性，骨胶原丰富。野生琵琶龙虾琵琶龙虾比较罕有，出边街好难可以食到，肉质较普通龙虾嫩滑，口感爽滑，味道浓厚鲜甜。台湾九孔鲍鱼肉厚，有𡁻头。野生阿根廷赤虾超大只，个虾头啲虾膏超鲜甜，系只虾嘅精华所在，啲肉较腍身，但非常有虾味。大西洋野生青口非一般嘅青口，不是养殖，重海水味，好爽，鲜甜。黄金翡翠螺冇沙，大粒肉，爽口弹牙。韩国釜山珍珠蚝Size 不太大，不会腥。有机蔬菜篮有娃娃菜，生菜同埋粟米。食完海鲜同蔬菜就可以食个粥底， 个粥有晒之前食嘅海鲜嘅精华，好鲜甜，加上本身加咗啲姜，猪骨，同埋粟米，都唔使点加提供嘅菜谱同埋葱去调味，但如果想增加口感都可以加啲菜谱。最后，餐厅仲送咗甜品，椰汁雪燕，好滋润嘅感觉，今餐好圆满。