悅嚐 (已結業)

呢日要喺鲗鱼涌🐠上全日堂，所以lunch都喺呢头解决，呢头果然系商业区，所以一到lunch time(其实一点都未够)间间餐厅都排满哂人，好彩见到有间小店相对地少人，等咗五分钟到就入得。舖仔细细坐满哂人，有lunch menu，见天气太热所以叫捞面食，食汤面应该会全程爆汗。叫咗🍋柠檬鸡翼拌面($48)，同埋冻罗汉果茶(+$3)。等咗无耐就上菜喇，鸡翼有4大只，有微微嘅柠香，但食落就无乜柠檬味，下面嘅拌面啲颜色望落就好似好咸，但实际又ok，面质几弹牙，份量够👌到放学都未饿🤣。饮品就叫咗冻罗汉果茶，好少餐厅有，个味甘甘哋唔太甜，都唔错，但如果冻啲会好啲。总括嚟讲，如果我喺呢头返工都应该间唔时会嚟呢间小店食晏，午餐价钱喺呢区算抵，味道唔错，楼面得一个姐姐负责哂全部工作，但都好好礼貌好迅速👍🏻。