影片
更多
2024-01-03
1268 浏览
之前帮衬过鲗鱼涌英皇道东达中心 11 楼𠮶间人气西餐厅「AGE Cuisine Express」，对店舖嘅食物和服务质素，印象甚佳。最近应友人邀约再访，原来餐厅搬咗过去同层另一个单位，店面比前更加阔落，装修清雅，而且设有梳化座位同 Party Room，非常适合同朋友嚟聚餐。我哋点咗沙律同前菜，另外再加咗一份 Set Dinner。晚餐包是日餐汤、主菜、饮品及甜品。今日嘅餐汤系大蒜薯仔汤，汤身浓香稠杰，蒜味颇突出，饮完好暖胃。烟三文鱼牛油果酱，苹果沙律伴腰果仁 ($92) 沙律用料好丰富，有烟三文鱼、牛油果酱、青苹果、沙律菜、面包粒、椰菜花、紫洋葱同车厘茄。三文鱼油润肥美，烟熏味香浓，令人食欲大增。沙律菜好新鲜，入口相当清甜；面包粒脆卜卜，配上香软 creamy 嘅牛油果酱，非常美味。香脆虾多士伴华都夫沙律 ($88) 多士炸至金黄香脆，虾胶弹牙爽身，面头满布粒粒白芝麻，伴上以青苹果、椰菜花、紫洋葱等炮制嘅沙律，滋味又满足！香煎刺身级油金鱼柳及大虎虾伴鱼籽酱 ($222) 鱼柳煎得啱啱好，肉质结实，啖啖肉又无骨、虎虾大只爽弹；配菜有薯仔、椰菜苗、甜椒同车厘茄，有营又健康。跟餐仲有
之前帮衬过鲗鱼涌英皇道东达中心 11 楼𠮶间人气西餐厅「AGE Cuisine Express」，对店舖嘅食物和服务质素，印象甚佳。
最近应友人邀约再访，原来餐厅搬咗过去同层另一个单位，店面比前更加阔落，装修清雅，而且设有梳化座位同 Party Room，非常适合同朋友嚟聚餐。
我哋点咗沙律同前菜，另外再加咗一份 Set Dinner。晚餐包是日餐汤、主菜、饮品及甜品。今日嘅餐汤系大蒜薯仔汤，汤身浓香稠杰，蒜味颇突出，饮完好暖胃。
烟三文鱼牛油果酱，苹果沙律伴腰果仁 ($92) 沙律用料好丰富，有烟三文鱼、牛油果酱、青苹果、沙律菜、面包粒、椰菜花、紫洋葱同车厘茄。
三文鱼油润肥美，烟熏味香浓，令人食欲大增。沙律菜好新鲜，入口相当清甜；面包粒脆卜卜，配上香软 creamy 嘅牛油果酱，非常美味。
香脆虾多士伴华都夫沙律 ($88) 多士炸至金黄香脆，虾胶弹牙爽身，面头满布粒粒白芝麻，伴上以青苹果、椰菜花、紫洋葱等炮制嘅沙律，滋味又满足！
香煎刺身级油金鱼柳及大虎虾伴鱼籽酱 ($222) 鱼柳煎得啱啱好，肉质结实，啖啖肉又无骨、虎虾大只爽弹；配菜有薯仔、椰菜苗、甜椒同车厘茄，有营又健康。
跟餐仲有一客甜品，摆盘非常精美，内有 brownie 同 tiramisu，为晚餐划上完美句号。
张贴
