湘蜀人家

营业中

休息中

元旦日嚟帮衬湘蜀人家,同朋友由太古城行落嚟好快好方便，一出电梯右面直行到门口，一入内待应有礼好好招呼，安排既坐位好宽阔，同朋友二人坐了卡位，内里装修有风味，够晒舒适!先嚟睇睇餐牌，好多选择，先点了四川凉皮，凉皮好软身，烟烟韧韧好食，配埋个四川汁，不是太辣，美味!嚟食四川菜一定要点四川口水鸡，四川酱汁好配合鸡件，鸡肉好嫩爽!欣赏!点了常德大盘长豆，长豆新鲜好惹味! 够晒镬气👍🏻赞！饮品见到有花脸啤酒，未饮过所以叫了一枝，好特别，浓浓酒香，个人很喜欢，好配合食物! 最后忍唔住再点多一支！最后点了出名既甜品红糖糍粑，炸了既糯米软绵绵，点了红糖好夹，不会太腻，回味！整体食物质素唔错，同朋友又可以舒舒服服倾谈，价钱又好经济，下次有机会会再嚟帮衬👍🏻