生記粥麵

营业中

休息中

30几度大热天时系Office临立的鲗鱼涌，揾食真系一个大难题。有同事话食粥，我以为我听错，点知真系带左我黎食。去到又真系有好多人排队，好彩姐姐都好快安排左我地入去。又好好彩入面有强劲的冷气，唔系就真系食唔落了。入去见到有小部份人食面，不过大部份人都叫粥食，咁我又叫返碗粥试下先。鲜牛肉粥一黎到，见到牛肉仲多过粥。试下个粥先，啖啖软棉棉的粥底，再加上啖啖牛肉汁非常鲜味，真系好似食紧牛肉弼底火㶽。粥店仲有一碗秘制的姜葱豉油，牛肉点少少豉油黎食好惹味，再加上辣椒油简直系美食。系度慢慢享受碗粥，完全忘记左出面30几度。讲多少少，OL 如果系比较细食，一碗袖珍粥已经好饱，因为碗粥真系好多材料系入面嫁。唔想下下食冇益的快餐，30几蚊就可以系鲗鱼涌食饱又健康好味，真系好开心。