Grotto

营业中

休息中

今日去咗鲗鱼涌探朋友，佢就带咗我哋呢间睇落去好低调嘅cafe，真系唔错。最近食多咗，想健康啲食返个沙律，叫咗佢嘅香烤牛腹肉配金薯藜麦沙律。沙律健康得嚟好好食，配上苹果青瓜酱，够哂惹味。牛腹肉非常软腍，熟度啱啱好，外面有少少焦香但系肉质保持幼嫩。牛扒之外，仲有烚蛋同甜薯，非常饱肚。朋友叫咗云石墨鱼饼海胆汁贝壳粉，贝壳粉非常弹牙，仲被酱汁覆盖住，每啖都食到佢个好好味嘅海胆汁。配菜墨鱼饼同蚬都好出色，份量亦都足够。至于甜品，作为朱古力控，我对佢𠮶个曲奇皮烤棉花糖黑朱古力牛角包零抵抗力，一见到即刻话要试！呢个牛角包极度邪恶，一层朱古力曲奇一层牛角包，包住大大粒棉花糖同浓浓嘅朱古力酱，每一啖都系简直系极致嘅享受，都系迟啲先再节食啦 lol失传法式西多士，即叫即煎，有浓郁嘅蛋香，质地偏软，同平时食到嘅西多士好唔同。就咁食有啲似面包布甸，亦都可以点焦糖酱食。饮品方面，我就叫咗开心果拿铁，淡淡嘅开心果香，唔会太抢或者太over。朋友就叫咗 Ice black，用咗当日嘅精选咖啡豆，冻饮带出咗接近Bailey嘅酒香，提神又好饮，我都偷咗几啖。