鳴虎 (北帝街) (已結業)

今日午饭时间喺土瓜湾，想食日本拉面，上网搜寻一下，就揾到呢间拉面店，见唔需要行好远，咁就过去试吓😁叫咗$86嘅「呜虎鱼介拉面」，仲加咗$38嘅小食「胡麻菠菜」，同埋$18嘅「蜂蜜柠檬茶」😁「胡麻菠菜」先上，呢个非常好，我依家都钟意先食蔬菜，咁样感觉健康啲；呢个菠菜上边加咗少少芝麻酱汁，食落几开胃😋。跟住「呜虎鱼介拉面」就嚟埋，里边有日式叉烧、溏心蛋、紫菜，碗拉面热辣辣，依家天气冻食就最啱，汤底几浓，几好味😋。仲有个杯「蜂蜜柠檬茶」都系热辣辣，又唔会好甜，食完拉面饮，几适合😋