魚眾不同酸菜魚 (冠美樓)

营业中

休息中

天气转凉，食下辣野都好呀，收工去左骆克道鱼众不同酸菜鱼。餐牌有餐前小食，招牌菜，水煮系列，一人份系列，一人专享，炒饭，煲仔饭，饮品。呢度餐牌有一人份系列，主题配搭7选一，风味汤底8选1，有辣有唔辣。送美食两款12选2，或者加钱升级。精选主食3选一。都可以加钱追加。番茄浓汤鲈鱼片生菜大豆芽 $78一人份系列一大碗，热辣辣上枱。个番茄浓汤好香，入面仲有番茄，洋葱。大概有几片连皮鲈鱼片。我叫咗生菜同大豆芽，都算多菜食。花胶浓汤鸡煲 $80花胶一大两小，唔会太薄身。鸡件有4件左右，有两件鸡髀肉，肉质嫩滑有鸡味，鸡皮滑溜。仲有一大条娃娃菜。个汤好浓鸡味，又少油，冬天饮好正。手打薯粉我地都拣咗手打薯粉。居然可以拣多薯粉而唔洗加钱。手打薯粉份量大大碗，滑溜又烟烟韧韧，捞鸡汤好食。饮品有多款选择。红豆冰 跟餐 $12红豆冰可以拣多奶少甜同少冰，饮落果然系唔甜，味道较淡。餐厅装修都几新，今日坐到二人卡位，都好舒服。价钱都唔算贵。