新興棧食家

营业中

休息中

爸爸带去食出名嘅鱼粥。星期六晚上，地方有点逼，但都坐满人，好彩都有D位置刚走，即刻摄位落单。见D姐姐做唔停手，我连叫嘢食都唔敢怠慢，即刻点咗个鱼云粥（即系鱼头粥），爸爸就食返平时食开嘅鱼腩粥。落完单就可自行去拎需要配料，姜/葱/生菜丝一应俱全。系望住姐姐煮咗大约十碗鱼腩粥之后，终于都到我哋喇，真系好足料，碗碗都三四旧大鱼腩鱼头粥都精彩，成碗都系鱼。先试试个粥。。。鱼嘅精华同鲜味毫无保留咁系粥到释放出嚟。粥底偏稀，食完成碗都仲想食嘢。鱼云有两旧，一样好味喜欢食鱼就唔怕鱼骨，识食唔一定要大鱼大肉，骨味更鲜甜。不过除咗鱼粥，配角类嘅炒面，油炸鬼都颇贵，而且见佢就咁摊晒出嚟，但又唔系多人叫，炒面都系普通嘅豉油炒面，$26细细碟，完全吸引唔到人去试。