鮮魚湯 (已結業)

继续食匀新北江系列，上次经过煮八见到呢间鱼汤专门店，今日就决定黎试吓。餐厅主打鱼汤，可以选配粉面或饭，亦有煎鱼及麻辣小菜，选择够晒多。今日叫咗呢个"卷出滋味"，分别有墨鱼卷，墨鱼虾卷及鱼肉春卷各两条，因为唔想破坏鱼汤味道，所以拣咗配河粉。河粉上台时份量比想像中大，同普通粉面店唔同，呢度用主打嘅鱼汤做汤底，鱼汤呈奶白色，饮落相当鲜甜，唔觉得有落味精，三款春卷中以墨鱼卷最为爽口弹牙，个人认为唔驶点泰式辣酱都够味。总括黎讲，呢度嘅鱼汤相当好味，等天气再冻啲真系要试埋佢个汤饭。